اتىراۋدا تۇتىنۋشىلاردان زاڭسىز قۇجاتتار سۇرالادى

اتىراۋ. 4 تامىز. اتىراۋ وبلىسىنداعى مونوپوليست-كاسىپورىنداردىڭ جەلىگە قوسىلۋ بارىسىندا تۇتىنۋشىلاردان زاڭسىز قۇجاتتار سۇراتۋ دەرەگى انىقتالىپ وتىر. بۇل تۋرالى وبلىستىق پروكۋراتۋراعا سىلتەمە جاساعان egemen.kz ءتىلشىسى حابارلادى. اتىراۋدا سۋ, گاز جانە ەلەكتر جەلىلەرىنە قوسىلۋعا نيەتتى تۇتىنۋشىلار ءوتىنىشى ۋاقىتىندا ورىندالا بەرمەيدى. ويتكەنى, اتالعان سالالاردا تۇتىنۋشىلارعا قىزمەت كورسەتەتىن كاسىپورىندار تاراپىنان زاڭدا كوزدەلمەگەن قۇجاتتار سۇرالادى ەكەن. وسىلايشا, تۇتىنۋشىلار قۇقىعى بۇزىلادى. «اتىراۋ جارىق» اكتسيونەرلىك قوعامى, «جىلىوي گاز» جانە «جىلىوي سۋ» سەرىكتەستىكتەرى وزدەرىنە تيەسىلى جەلىگە قوسۋعا تەحنيكالىق شارتتار بەرۋ كەزىندە زاڭدا قاراستىرىلماعان قۇجاتتار اكەلۋدى تالاپ ەتكەن. ماسەلەن, بارلىق كوممۋنيكاتسيالار مەن قۇرىلىستار كورىنەتىن 1:500 ماسشتابتى توپونيميكالىق ءتۇسىرىلىم سۇراتقان. كاسىپورىنداردىڭ بۇل تالابى كاسىپكەرلەردىڭ قوسىمشا شىعىندانۋىنا اكەلىپ سوقتىردى. ەندى بۇل قۇجاتتار قاجەتتى قۇجاتتار تىزىمىنەن الىنىپ تاستالدى», دەپ حابارلادى اتىراۋ وبلىستىق پروكۋراتۋراسى باسقارما باسشىسىنىڭ مىندەتىن اتقارۋشى تەمىربەك ءدارجانوۆ. جولداسبەك شوپەعۇل. دەرەك: اتىراۋ وبلىستىق پروكۋراتۋراسى. سۋرەت: azh.kz.