سەمەيدە سالىق مولشەرى نەگە وزگەردى؟

مەملەكەتتىك كىرىستەر دەپار­تامەنتى 2024 جىل ءۇشىن جەكە تۇلعالاردىڭ م ۇلىك سالى­عىن ەسەپ­­تەگەنىن جانە تولەۋ مەر­زىمى 2025 جىلدىڭ 1 قازانىندا اياقتا­لاتىنىن مالىمدەدى. وندا م ۇلىك سالىعىن بىرنەشە كورسەتكىش, سونىڭ ىشىندە ءبىر شارشى مەترگە بازالىق مولشەرلەمە ارقىلى ەسەپتەيدى. سالىق مولشەرى م ۇلىك ورنالاسقان ەلدى مەكەنگە بايلانىستى بولماق. مىسالى, استانا, الماتى, شىمكەنت سياق­تى رەس­پۋبليكالىق ما­ڭىزى بار قالا­لاردا بازالىق قۇنى – ءبىر شارشى مەترگە 60 000 تەڭگە. 2024 جىلدىڭ 1 قاڭ­­تارىنان باستاپ سالىق كو­دەكسىنە جاسالعان بىرقاتار وز­گەرىس كۇشىنە ەندى. ءسويتىپ, وب­لىس­تىڭ اكىمشىلىك ورتالىق قالالارىنا ارنايى بازالىق مولشەرلەمەلەر بەلگىلەنگەن. سول سەكىلدى سەمەيلىكتەردىڭ 2024 جىلعا تولەيتىن م ۇلىك سالىعىنا قاتىستى ازداعان وزگەرىس بار.

بۇل تۋرالى اباي وبلىسى مەملەكەتتىك كىرىستەر دەپار­تا­مەن­تى ءتۇسىندىرۋ جۇمىستارى جانە بايلانىس ورتالىعى باس­قار­ماسىنىڭ باسشىسى اسەم تۇرلى­بەكوۆادان بىلگەن ەدىك.

«تۇرعىن ءۇيدىڭ ءبىر شارشى مەترىنىڭ بازالىق قۇنى 12 000 تەڭگەدەن 36 000 تەڭگەگە دەيىن ءوستى. سونىمەن قاتار جەر ۋچاسكەلەرىنە قولداناتىن بازالىق مولشەرلەمە دە 0,39 تەڭگەدەن 0,58 تەڭگەگە ارتتى. قالانىڭ جاڭا مارتەبەسىنە بايلانىستى وبلىستىڭ اكىمشىلىك ورتالىق قالالارىنا تيەسىلى تا­­لاپ­­تار ەندى سەمەيدە دە ەنگى­زىلدى», دەيدى ءا.تۇرلىبەكوۆا.

كەڭەس وداعىنىڭ باتىرلارى, سوتسياليستىك ەڭبەك ەرلەرى, مەم­لەكەتتىك ناگرادا يەگەر­لەرى, ۇلى وتان سوعىسى­نىڭ ارداگەرلەرى مەن ولارعا تەڭەستىرىلگەندەر, تىل ەڭبەككەرلەرى, جەتىم بالالار مەن اتا-انا قامقورلىعىنسىز قالعان بالالار, دەنساۋلىعىندا ەرەكشەلىگى بار بالا تاربيەلەپ وتىرعان اتا-انالار, «باتىر انا» نەمەسە «التىن القا» اتاعىنا يە كوپبالالى انالار جانە جالعىز تۇراتىن زەينەتكەرلەر م ۇلىك پەن جەر سالىعىنان بوساتىلادى.

وندىرىستىك ەمەس تولەمدەر باسقارماسىنىڭ باس مامانى ەركەبۇلان نۇكەباەۆتىڭ ايتۋىنشا, سەمەي قالاسىنىڭ مارتەبەسى وزگەرۋىنە بايلانىس­تى جاڭا تالاپتار ەنگەن.

«2024 جىلعا دەيىن سالىق كودەكسىندە بەلگىلەنگەن جەڭىلدىگى بار ازاماتتار م ۇلىك قۇنى جەڭىل­دىك شەگىنەن اسپاعان جاعدايدا, م ۇلىك سالىعىنان تولىق بوساتىلاتىن. الايدا سەمەي قالاسىنىڭ اكىمشىلىك ورتالىق مارتەبەسىنە يە بولۋىنا بايلانىستى باعالاۋ قۇنى ارتتى. بەلگىلەنگەن شەك (1 000 نەمەسە 1 500 اەك – جەڭىلدىك تۇرىنە بايلانىستى) اسىپ كەتكەن جاعدايدا ارتىق سوماعا سالىق ەسەپتەلەدى», دەيدى ول.

سونىمەن قاتار كەي ازاماتتار بازالىق قۇننىڭ 12 000-نان 36 000 تەڭگەگە ءوسۋى سالىقتى 3 ەسە ارتتىرادى دەپ قاتە ءتۇسىنۋى مۇم­كىن. سالىق مولشەرى م ۇلىك­تىڭ باعالاۋ قۇنىنا قاراي ءوسۋ تار­تىبىمەن قولداناتىن كورسەتكىش نەگىزىندە ەسەپتەلەدى. سوندىقتان ءاربىر جاعدايدا جەكە ەسەپ جۇر­گىزىلەتىنىن نازارعا الۋ كەرەك. م ۇلىك جانە جەر سالىعىنا بە­رە­شەك بولعان جاعدايدا ماج­­بۇرلەپ ءوندىرىپ الۋ شارالارى بارىن دا ۇمىتپاعان ءجون. سا­لىق سوماسىنداعى وزگەرىستەردى «e-Salyk Azamat» ءموبيلدى قوسىم­شاسىنان, kgd.gov.kz سايتى­نان, «Kaspi.kz» جانە «Homebank» قوسىمشالارىنان بىلۋگە بولادى.

اباي وبلىسى