بىرىنشىدەن, بالىق جانە بالىق ونىمدەرىمەن ازىق-ت ۇلىك قاۋىپسىزدىگىن قامتاماسىز ەتەدى. ەكىنشىدەن, حالىقتى جۇمىسپەن قامتيدى. ۇشىنشىدەن, سۋ جانە بيولوگيالىق رەسۋرستاردى ءتيىمدى ءارى ۇتىمدى پايدالانىپ وتىر.
«بالىق شارۋاشىلىعى سالاسىنا 2021–2024 جىلدارى ارالىعىندا 45 ملرد تەڭگەدەن استام ينۆەستيتسيا تارتىلدى. جىل سايىن بالىق شارۋاشىلىقتارى سۋ ايدىندارىنان 45 مىڭ توننادان اساتىن بالىق اۋلايدى. ونىڭ باسىم بولىگى اتىراۋ, الماتى, شىعىس قازاقستان مەن قىزىلوردا وبلىستارىنداعى بالىقشىلاردىڭ ۇلەسىنە تيەدى», دەيدى ا.بەردالين.
بۇدان بەس جىل بۇرىن قولدان وسىرىلەتىن بالىق كولەمى 6,9 مىڭ توننا بولسا, قازىر بۇل كورسەتكىش 2,6 ەسە ارتىپ, 18,2 مىڭ تونناعا جەتكەن. بالىق شاباعىن ءوسىرۋدى كاسىپ ەتكەن 600-دەن اسا شارۋاشىلىقتا شامامەن 2 مىڭ ادام تۇراقتى جۇمىسپەن قامتىلعان. بالىق شاباعىن ءوسىرۋ اسىرەسە, تۇركىستان, جامبىل, الماتى مەن شىعىس قازاقستان وبلىستارىندا بەلسەندى جۇرگىزىلەدى. اتالعان وڭىرلەردەگى شارۋاشىلىقتاردا سازان, تۇقى, اق امۋر, ءدوڭماڭداي, بەكىرە تۇقىمداس, فورەل, پەلياد, جايىن جانە تيلاپيا سەكىلدى بالىق تۇرلەرى وسىرىلەدى.
«ەلىمىزدە قۋاتى جىلىنا 100 مىڭ توننادان اساتىن 72 بالىق وڭدەۋ كاسىپورنى جۇمىس ىستەيدى. ونىڭ ىشىندە 20 قۇرىلىم ءونىمىن ەۋروپالىق وداق ەلدەرىنە تۇراقتى ەكسپورتتاۋعا بەيىمدەلدى. بىلتىر ەلىمىزدەن ەكسپورتتالعان 23,4 مىڭ توننا بالىق ونىمدەرىنىڭ قۇنى 74,7 ملن دوللاردى قۇرادى», دەيدى ا.بەردالين.
اتىراۋ وبلىسى اكىمىنىڭ ورىنباسارى مارات مۋرزيەۆتىڭ مالىمەتىنشە, مۇنايلى وڭىردە بالىق شارۋاشىلىعىن دامىتۋعا بەت بۇرعان 18 قۇرىلىمعا 31 ۋچاسكە بەكىتىلىپ بەرىلگەن. رەزەرۆكە قويىلعان 27 ۋچاسكەنىڭ 18-ءى كاسپي تەڭىزىندە, 2-ەۋى جايىق وزەنىندە, 7-ەۋى قيعاش وزەنىندە ورنالاسقان.
وبلىستا 5 قۇرىلىمدا بالىق وسىرىلەدى. ونىڭ 2-ەۋى 2023 جىلى, 1-ەۋى بىلتىر ىسكە قوسىلعان. ءۇش قۇرىلىمدا 24 جۇمىس ورنى اشىلعان. 2028 جىلعا دەيىن 8 تاۋارلى بالىق ءوسىرۋ جوباسى مەن 1 بالىق وڭدەۋ زاۋىتىن جاڭعىرتۋ جوسپارلانىپ وتىر. بۇل جوبالاردى «ابدولوۆ», «ا-دانا», ء«سات», «جۋماعاليەۆ ن.م.», «ساعيەۆ», «2023» شارۋا قوجالىقتارى, «ابىلايحان» جانە «سەۆكاسپيفيش» جشس جۇزەگە اسىرۋدى مىندەتىنە العان.
«كاسپي بەكىرەسى ليميتەد» جشس تورلى توعانداردا بەكىرە وسىرۋگە ماماندانعان. كاسىپورىننىڭ جوبالىق قۋاتى – جىلىنا 20 توننا بالىق ونىمدەرى مەن 1 توننا قارا ۋىلدىرىق. بالىقتى اۋلاۋدان وڭدەۋگە دەيىنگى تولىق تسيكلمەن جۇمىس ىستەيتىن «ابىلاي حان» جشس زاۋىتىندا 3 مىڭ تونناعا دەيىن بالىق ونىمدەرى شىعارىلادى. «امانگەلدى اتىنداعى» جشس زاۋىتىندا تاۋلىگىنە 150 توننا بالىق ءونىمى وڭدەلەدى. «ا-دانا» شارۋا قوجالىعىنداعى جابىق سۋمەن جابدىقتاۋ جۇيەسى بار فەرمادا جىلىنا 130 توننا تاۋارلى بالىق پەن بەكىرەنىڭ 15 ملن شاباعىن ءوسىرۋ كوزدەلىپتى. «Caspian Royal Fish» كەشەنىندە دە جىل سايىن 100 توننا بەكىرە تۇقىمداس بالىق ءوسىرىلىپ, باعالى بالىقتان 1 توننا ۋىلدىرىق الىنادى.
ەڭ باستى جوبا – بەكىرە تۇقىمداس بالىقتار شاباعىن ءوسىرۋ. بىلتىر «جايىق-اتىراۋ» بەكىرە بالىق ءوسىرۋ زاۋىتى مەملەكەتتىك تاپسىرىس شەڭبەرىندە 1 ملن-نان استام, ال «Caspian Royal Fish» جشس تاراپىنان 1,8 ملن بەكىرە شاباعىن ءوسىرىپ, جايىق وزەنىنە جىبەردى. باعالى بالىقتاردىڭ شاباعىن ءوسىرۋ بيىل دا جالعاسىن تابادى.
اتىراۋ وبلىسى
