بۇگىن وتكەن ءبىلىم گرانتتارىن تاعايىنداۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا مينيستر: «بيىل مەملەكەت تاراپىنان 32 مىڭ گرانت بولىنەدى. ونىڭ ىشىندە تەحنيكالىق ماماندىقتارعا – 12,5 مىڭ, پەداگوگيكالىق ماماندىقتارعا – 6 مىڭ, اۋىل شارۋاشىلىعى ماماندىقتارىنا 2,5 ءبىلىم گرانتى قاراستىرىلعان.
سونداي-اق, وسى جىلى كونكۋرسقا قاتىساتىنداردىڭ 78 پايىزى مەكتەپتى قازاق تىلىندە بىتىرگەندەر. سوعان سايكەس, ورىس تىلىندە بىتىرگەندەر 22 پايىزدى قۇراپ وتىر. سول سەبەپتى, بارلىق گرانتتىڭ 78 پايىزىن قازاق بولىمدەرىنە, 22 پايىزىن ورىس بولىمدەرىنە ءبولۋ كوزدەلگەن», – دەدى. اتالعان كوميسسيا قۇرامىنا ءبىلىم جانە عىلىم مينيسترلىگىنىڭ ماماندارىمەن قاتار, دەنساۋلىق ساقتاۋ مينيسترلىگىنىڭ قىزمەتكەرلەرى, جوعارى وقۋ ورىندارىنىڭ رەكتورلارى, سونداي-اق,ءبىلىم بەرۋ قىزمەتكەرلەرىنىڭ كاسىپوداق مۇشەلەرى ەنەدى.
تاعى ءبىر ايتا كەتەر جايت, «التىن بەلگى» يەگەرلەرىنە, حالىقارالىق, رەسپۋبليكالىق وليمپيادالار مەن عىلىمي سايىستاردىڭ جانە بايقاۋلاردىڭ, ودان بولەك, سپورت جارىستارىنىڭ جەڭىمپازدارىنا گرانت تاعايىنداۋ كەزىندە باسىمدىق بەرىلەدى.
ەلامان قوڭىر.
دەرەك: «قازاقپارات». سۋرەت: zhasorken.kz.
