فوتو: primeminister.kz
تاراپتار نارىن سۋ ەلەكتر ستانسالارى كاسكادىنىڭ, تالاس باسسەينىنىڭ, سونداي-اق كيروۆ جانە ورتو-توكوي سۋ قويمالارىنىڭ تامىز ايىنداعى جۇمىس رەجيمىن تالقىلادى. كەزدەسۋ ناتيجەسىندە بۇرىن بەكىتىلگەن كەلىسىمدەر اياسىندا قۋاڭشىلىك پەن سۋدىڭ از كەلۋى سالدارىنان جەتكىزىلمەي قالعان سۋ كولەمىن قوسىمشا جەتكىزۋ جونىندە كەلىسىمگە قول جەتكىزىلدى.
سونداي-اق ۇكىمەتتىڭ مالىمەتىنشە 29 شىلدەدە تاشكەنت قالاسىندا ۆيتسە-پرەمەر قانات بوزىمباەۆ وزبەكستان پرەمەر-ءمينيسترى ابدۋللا اريپوۆپەن جانە سۋ-ەنەرگەتيكا سالاسىنداعى جاۋاپتى باسشىلارىمەن كەلىسسوزدەر جۇرگىزىپ, ەكى اپتا ىشىندە سۋ جەتكىزۋ كەستەسىندەگى كىدىرىستى جويۋ بويىنشا بىرلەسكەن شارالار كەلىسىلدى.
وسىلايشا, جامبىل, قىزىلوردا, تۇركىستان وبلىستارىندا ۆەگەتاتسيالىق ماۋسىمدى تولىق اياقتاۋ قامتاماسىز ەتىلەدى جانە بۇل ماسەلە ۇكىمەت پەن وڭىرلىك اكىمدىكتەردىڭ تۇراقتى باقىلاۋىندا تۇر.
