جۇيەگە تىركەلۋ كورسەتكىشى كوڭىل كونشىتپەيدى

جامبىل وبلىسىندا مىندەتتى الەۋ­مەتتىك مەديتسينالىق ساقتان­دى­رۋ جۇيەسىمەن قامتىلعان تۇر­عىن­­­دار­دىڭ سانى قانشا؟ جىل وت­كەن سا­يىن وزگەرىپ جاتقان كورسەت­كىش كوڭىل كونشىتە مە؟ جۇمىستى جۇ­يە­­لەۋ با­عىت­ىندا جاۋاپتى ما­مان­دار قانداي قادامعا بارىپ جاتىر؟

«الەۋمەتتىك مەديتسينا­لىق ساقتاندىرۋ قورى» اكتسيونەر­لىك قوعامى وبلىستىق في­ليالى­نىڭ ديرەكتورى عايني اي­ماعان­­بەتوۆانىڭ ايتۋىنشا, جىل باسىن­دا ساقتاندىرىلماعان ازاماتتار سانى 231 921 ادام بولسا, جارتى جىلدىقتىڭ قورىتىندىسىنا سايكەس بۇل كورسەتكىش 6 251 ادامعا ازايىپتى. التى ايدا كورسەتكىش وڭالعانىمەن, جامبىل وبلىسى وڭىرلەر اراسىندا 9-ورىندا تۇر.

«1 شىلدەدەگى جاعداي بويىنشا وڭىردە ا, ۆ, س, D, E ساناتتارى بويىنشا ساقتان­دىرىلماعان حالىقتىڭ سانى 225 670 ادامدى قۇراپ وتىر. ونىڭ ىشىندە E ساناتى بويىنشا (مۇشكىل دەڭگەيدەگى) 15 409 ادام, D ساناتىندا (داعدارىس) 54 652 ادام, س ساناتىندا (تومەن) 75 335 ادام, ۆ ساناتىندا (قاناعاتتانارلىق) 74 451 ادام, ا ساناتىندا (جاقسى) 8 823 ادام بار. جالپى, 2023 جىلدىڭ قاراشاسىنداعى مالىمەتپەن سالىستىرعاندا كورسەتكىشتە وڭ ديناميكا بايقالادى. ساقتاندىرىلماعان ازاماتتار سانى 25 017 ادامعا ازايعان», دەيدى ع.ايماعانبەتوۆا.

جوعارىدا ايتقانىمىزداي, ءمامس جۇيە­سىنە حالىقتىڭ قوسىلۋى جونىنەن جامبىل ءوڭىرى رەسپۋبليكادا 9-ورىنعا تۇراقتاعان. ايت­كەنمەن, وبلىستا ساقتاندىرىلماعان ازا­ماتتاردىڭ ۇلەسى جوعارى اۋداندار ءالى كۇن­گە دەيىن بار. ماسەلەن, «تسيفرلىق وتباسى» كار­تاسىنىڭ دەرەكتەرىنە سۇيەنسەك, قورداي, مەركى, شۋ اۋداندارىنداعى كورسەتكىش كوڭىل كونشىتپەيدى. بۇل اۋدانداردا ساقتان­­دىرۋ­مەن قامتىلۋ دەڭگەيى وبلىستىق كور­سەت­كىشتەن ەداۋىر تومەن. «ا» ساناتىنداعى ساق­تان­دىرىلماعان ازاماتتاردىڭ الەۋمەتتىك پورترەتىن انىقتاۋ ماقساتىندا مەديتسينا­لىق ۇيىمدارمەن بىرلەسىپ ءۇي ارالاۋ جۇمىس­تارى جۇرگىزىلگەن. ناتيجەسىندە, وبلىستا 7 241 ادام تىركەلگەن. ونىڭ ىشىندە 683 ادام باسقا وڭىردە تۇراتىنى, 17-ءسى شەتەلگە كەتكەنى, 2-ەۋى قايتىس بولعانى, 110-ى مۇلدە تابىلماعا­نى انىقتالعان. قالعان 6 429 ادامنىڭ كوپشى­لىگى جۇمىسسىز (2 260), بەيرەسمي جۇمىس ىستەيتىندەر (1 746), ءۇي شارۋاسىنداعى ايەلدەر (694) مەن جەكە كاسىپكەرلەر (729).

«بيىلعى جىلدىڭ 6 ايىندا وبلىسى­مىز­داعى 35 مەديتسينالىق ۇيىمعا 437 شاعىم مەن ءوتىنىش تىركەلگەن. ولاردىڭ 233-ءى ءوتىنىش يەسىنىڭ قالاۋىمەن كەرى قايتارىلسا, 204 شا­عىم قارالعان. وتكەن جىلدىڭ ەسەپ­تى كەزە­ڭىمەن سالىستىرعاندا تۇسكەن شاعىم­دار مەن وتىنىشتەردىڭ 10%-عا كوبەيگەنى بايقالادى.

تۇرعىندار تاراپىنان كەلىپ تۇسكەن شاعىم­داردىڭ باسىم بولىگى مەديتسينالىق كومەكتىڭ ساپاسىنا قاتىستى بولىپ وتىر. ناقتى ايتساق, 77 ءوتىنىش تىركەلدى. سونىمەن قاتار اۋرۋحاناعا جاتقىزۋدان باس تارتۋ, دارىلىك زاتتارمەن قامتاماسىز ەتۋ, مەدي­تسينالىق كومەكتى ۇزاق كۇتۋ سەكىلدى ماسەلەلەر جونىندە بىرقاتار ارىز-شاعىم ايتىلعان.

ەسەپتى كەزەڭدە «Almaz Medical Group» جاۋاپكەرشىلىگى شەكتەۋلى سەرىكتەستىگىندە – 17, «Zhanshuak Medical Group» جشس – 16, بايزاق اۋداندىق ورتالىق اۋرۋحاناسىندا – 14, تاراز قالالىق №5 ەمحاناسىندا – 13, Januia Medical Center, تاراز قالالىق №2 ەمحاناسىندا 11 شاعىمنان تىركەلگەن. سونداي-اق قالالىق №9 ەمحانا, شۋ اۋداندىق ورتالىق اۋرۋحانا مەن «مەيىرىم» مەديتسينالىق ورتالىعىنىڭ ارقايسىسى بويىنشا 9, ال شۋ قالالىق ەمحاناسى بويىنشا 8 شاعىم تۇسكەن.

2026 جىلدىڭ 1 قاڭتارىنان باستاپ الەۋمەتتىك جاعدايى تومەن, ياعني داعدارىس­تىق D, مۇشكىل E دەڭگەيىندەگى ازاماتتار ءۇشىن مىندەتتى الەۋمەتتىك مەديتسينالىق ساقتاندىرۋ جارنالارىن جەرگىلىكتى اتقا­رۋشى ورگاندار تولەيتىن بولادى. بۇل سانات­تاعى ازاماتتار مەديتسينالىق كومەكتى ءجيى پايدالاناتىندىقتان, ولاردىڭ جارنالارىن وتەۋ تەتىگى قاراستىرىلىپ, قاجەتتى ەسەپتەۋ جۇمىسى جۇرگىزىلدى», دەدى ع.ايماعانبەتوۆا.

ءمامس ماسەلەسىن زەردەلەۋدە تۋىندايتىن تاعى ءبىر تۇيتكىل بار. وبلىس اكىمدىگى دەنساۋلىق ساقتاۋ باسقارماسىنىڭ باسشىسى سەرجان نازاربەكتىڭ ايتۋىنشا, تۇرعىندار ءجيى شاعىمداناتىن جەكەمەنشىك ەمحانا­لارعا سالالىق باسقارما تەكسەرۋ جۇمىسىن جۇرگىزە المايدى. ويتكەنى بۇل ەمحانالار وبلىس اكىمدىگىنىڭ قارجى باسقارماسىنا باعىنادى.

قالاي دەسەك تە, دەنساۋلىق ساقتاۋ, قار­جى باسقارمالارى وبلىس اكىمدىگىنە قا­راستى مەكەمەلەر ساناتىنا جاتادى. سالا­لىق باسقارمانىڭ جاڭا باسشىسى ءدال وسى ماسەلەنى بىرلەسىپ پايىمداۋعا, شەشۋگە ۇمتىلعانى ءجون سەكىلدى. ويتكەنى ءمامس ماسەلەسى ءوڭىر باسشىسىنىڭ نازارىنان تىس قالماق ەمەس.

جامبىل وبلىسى