فوتو: Reuters
ىشكى ىستەر ءمينيسترى الي ەرليكايانىڭ سوزىنشە, تابيعي اپات ورىن العان وڭىرلەردە شىعىن كولەمى ناقتى ەسەپتەلىپ, زالالدى وتەۋ ءۇشىن قاجەتتى شارالار قابىلدانىپ جاتىر. مەملەكەت تاراپىنان بولىنگەن 128 ميلليون تۇرىك ليراسىنىڭ 83 ميلليونىنان استامى زارداپ شەككەن تۇرعىندارعا وتەماقى رەتىندە ۇلەستىرىلگەن.
«باسپاناسىنان ايىرىلعان ازاماتتار ارنايى دايىندالعان 105 مودۋلدىك ۇيگە ورنالاستىرىلدى. قاۋىپتى اۋا رايى جاعدايلارى اياسىندا بارلىق تۇرعىنداردى مۇقيات بولۋعا شاقىرامىن», دەدى مينيستر ەرليكايا.
تۇركيا بيلىگى ورمان القاپتارىنداعى ورتتەردىڭ باسىم بولىگى ادامداردىڭ ارەكەتىنەن تۋىنداعانىن بىرنەشە رەت ەسكەرتكەن. ەل اۋماعىندا 2024 جىلدىڭ باسىنان بەرى تىركەلگەن 4 247 ورمان ءورتى جاعدايىنىڭ 96 پايىزىنا ادامداردىڭ نەمقۇرايلىعى نەمەسە قاساقانا ارەكەتتەرى سەبەپ بولعان. بۇل تۋرالى پرەزيدەنت رەجەپ تايىپ ەردوعان مالىمدەدى.
