فوتو: اشىق دەرەككوز
ساۋالناما قورىتىندىسىنا سايكەس, رەسپوندەنتتەردىڭ 84,2%-ى مەملەكەت تاراپىنان ءداستۇرلى قۇندىلىقتاردى قورعاۋ باعىتىندا قابىلدانىپ جاتقان شارالاردى قولدايدى. سونىمەن قاتار, 67,3%-ى لگبت ناسيحاتىن زاڭمەن شەكتەۋدى دۇرىس دەپ سانايدى, ال 79,8%-ى ونى جاستار ءۇشىن قاۋىپ رەتىندە كورەدى.
زەرتتەۋگە سايكەس, لگبت تاقىرىبىنا قاتىستى اقپاراتتىڭ باستى كوزى – الەۋمەتتىك جەلىلەر بولىپ وتىر. 63,7% رەسپوندەنت لگبت تۋرالى مالىمەتتى تىكەلەي الەۋمەتتىك مەديا ارقىلى الاتىنىن ايتقان. ال 29 جاسقا دەيىنگى جاستاردىڭ 73,2%-ى ينتەرنەتتى نەگىزگى اقپارات ارناسى رەتىندە اتاپ وتكەن.
مامانداردىڭ ايتۋىنشا, جاسوسپىرىمدەردىڭ لگبت تاقىرىبىنداعى كونتەنتتى ءجيى تۇتىنۋى ولاردىڭ جىنىستىق جانە گەندەرلىك ءوزىن-ءوزى تانۋىنا تەرىس اسەر ەتۋى مۇمكىن. مۇنداي جاسوسپىرىمدەردە كوبىنە ىشكى قايشىلىق, الاڭداۋشىلىق جانە ديسكومفورت سەزىمدەرى پايدا بولادى. سونىمەن قاتار, اقپاراتتىق كەڭىستىكتە جاس ەرەكشەلىكتەرى ەسكەرىلمەگەن مازمۇننىڭ كوپ بولۋى جەكە تۇلعانىڭ قالىپتاسۋىنا كەرى اسەر ەتەدى.
بالالارعا ارنالعان مۋلتفيلمدەر, كىتاپتار مەن سەريالدار ارقىلى بەيسانالى تۇردە بەرىلەتىن لگبت سيمۆوليكاسى جاسوسپىرىمدەر اراسىندا تۇراقتىلىق پەن بولاشاققا سەنىمنىڭ السىرەۋىنە سەبەپ بولۋى مۇمكىن.
رەسپوندەنتتەردىڭ جارتىسىنان كوبى لگبت ناسيحاتىنىڭ كامەلەتكە تولماعانداردىڭ فيزيكالىق جانە پسيحوەموتسيونالدىق دامۋىنا تەرىس اسەر ەتەتىنىنە الاڭدايدى. سونىمەن قاتار, ساۋالناماعا قاتىسۋشىلار تۋ كورسەتكىشىنىڭ تومەندەۋى (42,8%), وتباسىلىق ينستيتۋتتىڭ السىرەۋى (42,8%) جانە جىنىستىق جولمەن بەرىلەتىن ينفەكتسيالاردىڭ تارالۋى (37,2%) سىندى قاۋىپتەرگە نازار اۋدارعان.
