وبلىس اكىمى اسحات شاحاروۆتىڭ توراعالىعىمەن وتكەن جيىندا ءبىلىم بەرۋ ۇيىمدارىنىڭ قۇرىلىسى مەن جوندەۋ جۇمىستارى, ولاردىڭ ماتەريالدىق-تەحنيكالىق بازاسىن كۇشەيتۋ جانە جىلىتۋ ماۋسىمىنا دايىندىقتارى تالقىلاندى. ءبىلىم باسقارماسىنىڭ باسشىسى بۇلبۇل كۇزەمباەۆانىڭ حابارلاۋىنشا, قازىرگى ۋاقىتتا 14520 ورىنعا لايىقتالعان 31 ءبىلىم بەرۋ نىسانىنىڭ قۇرىلىسى ءجۇرىپ جاتىر. ونىڭ ىشىندە 4 بالاباقشا, 26 مەكتەپ جانە 1 قوسىمشا ءبىلىم بەرۋ ۇيىمى بار. مۇنىمەن قوسا 11 مەكتەپ, 5 بالاباقشا, 2 كوللەدج جانە 1 قوسىمشا ءبىلىم بەرۋ مەكەمەسىنە كۇردەلى جوندەۋ جۇمىستارى جۇرگىزىلىپ جاتىر. جوندەۋ جۇمىستارى 20 تامىزعا دەيىن اياقتالماقشى
قازىرگى ۋاقىتتا ءوڭىر مەكتەپتەرىندە 244 مۇعالىم جەتىسپەيتىن بولسا, وسى تاپشىلىقتى جوعارى وقۋ ورىندارى مەن كوللەدج تۇلەكتەرى ەسەبىنەن جابۋ جوسپارلانعان. سول ءۇشىن تامىز ايىندا وبلىس جانە اۋدان ورتالىقتارىندا مۇعالىمدەرگە ارنالعان بوس جۇمىس ورىندارىنىڭ جارمەڭكەسى وتكىزىلەدى.
300 ورىنعا لايىقتالعان «كەلەشەك مەكتەپتەرىنىڭ» ءبىرىنىڭ قۇرىلىسى – قالاداعى «ساياجاي –1» تۇرعىن اۋدانىندا ءجۇرىپ جاتىر. ونىڭ قۇرىلىسىنا 3,53 ملرد تەڭگە بولىنگەن. ەكىنشىسى -«التىن وردا» شاعىن اۋدانىنداعى 2 مىڭ وقۋشىعا ارنالعان, جوبالىق قۇنى –9,59 ملرد تەڭگە بولاتىن ءبىلىم بەرۋ مەكەمەسى. زاماناۋي ەكى ءبىلىم وشاعى قالانىڭ جاڭا بوي كوتەرگەن اۋداندارىنداعى ورىن تاپشىلىعىن جويادى دەگەن سەنىم بار.
اقتوبە وبلىسى
