فوتو: اشىق دەرەككوز
ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا, شەتەلدىك جۇمىس كۇشىن تارتۋ بىرنەشە سانات بويىنشا جۇزەگە اسىرىلادى. اتاپ ايتقاندا:
- ءبىرىنشى سانات – باسشىلار مەن ولاردىڭ ورىنباسارلارى (562 ادام);
- ەكىنشى سانات – قۇرىلىمدىق بولىمشەلەر جەتەكشىلەرى (2 340 ادام);
- ءۇشىنشى سانات – ماماندار (4 060 ادام);
- ءتورتىنشى سانات – بىلىكتى جۇمىسشىلار (1 167 ادام).
سونىمەن قاتار ماۋسىمدىق جۇمىسقا 2 874 ادام, ال كورپوراتيۆتىك اۋىستىرۋ ارقىلى 3 817 شەتەل مامانى تارتىلعان.
«قازىرگى ۋاقىتتا قازاقستاندا شجك پايدالاناتىن 1 882 جۇمىس بەرۋشى بار. ولاردا 352 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96% - ى. ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 160 ادام, اۋىل, ورمان جانە بالىق شارۋاشىلىعى – 2 902 ادام, تاۋ – كەن ونەركاسىبى جانە كارەرلەردى قازۋ – 1 347 ادام, وڭدەۋ ونەركاسىبى – 1 178 ادام», دەلىنگەن حابارلامادا.
ايتا كەتەيىك, ەلىمىزدە جۇمىس ىستەپ جۇرگەن ەڭبەك ميگرانتتارىنىڭ باسىم بولىگى قىتاي (5 463 ادام), وزبەكستان (2 477 ادام), ءۇندىستان (1 097 ادام) جانە تۇركيادان (1 071 ادام) كەلگەن.
مينيسترلىك جىل سايىن ىشكى ەڭبەك نارىعىن قورعاۋ ماقساتىندا شەتەلدىك مامانداردى تارتۋعا ارنالعان كۆوتانى بەكىتەدى. 2025 جىلى بۇل كۆوتا جۇمىس كۇشىنىڭ جالپى سانىنا شاققاندا 0,2 پايىز نەمەسە 14,8 مىڭ بىرلىك كولەمىندە بەلگىلەنسە, ناۋرىز ايىندا جەرگىلىكتى اتقارۋشى ورگانداردىڭ سۇرانىسىنا سايكەس بۇل كورسەتكىش 16,5 مىڭ بىرلىككە دەيىن ارتتىرىلعان.
