ماڭعىستاۋدا قوس جاڭا زاۋىت سالىنادى

مامىلە ماڭعىستاۋ وبلى­سىنىڭ اكىمى نۇرداۋلەت قيلىباي مەن «Condor Energies» كومپانيالار توبىنىڭ باسقارۋشى ديرەكتورى, «Qazaq LNG» جشس باس ديرەكتورى نورمان شتورم كەزدەسۋىندە ناقتىلاندى. وڭىردە بىرقاتار ءىرى ينۆەستيتسيالىق جوبانى ىسكە اسىرۋ ماسەلەسىن تالقىلاعان باسقوسۋدا تاراپتار ەكى ماڭىزدى جوبانىڭ جۇزەگە اسىرىلۋ بارىسى تۋرالى سويلەستى. كومپانيا قولعا الاتىن جوبانىڭ ءبىرى – قاراقيا اۋدانى قۇرىق پورتى ماڭىندا جىلىنا 145 مىڭ توننا سۇيىتىلعان تابيعي گاز وندىرەتىن زاۋىت. جالپى اۋماعى 16 گەكتاردى قۇرايتىن بۇل جوبا اياسىنداعى زاۋىت قۇرىلىسى كەزەڭىندە 300 ادام جۇمىسپەن قامتىلىپ, 2027 جىلى پايدالانۋعا بەرىلگەن سوڭ, 100 تۇراقتى جۇمىس ورنى اشىلادى. وسىلايشا, «Condor Energies» كومپانيالار توبى ورتالىق ازياداعى العاشقى سۇيىتىلعان تابيعي گاز زاۋىتىن ەلىمىزدە ىسكە قوسۋ جوسپارىن جۇزەگە اسىرۋعا ىنتالى.

سونىمەن بىرگە حيميا ونەر­كاسىبى, ەنەرگەتيكا جانە كولىك سالاسىندا كەڭىنەن قولدانىلاتىن ماڭىزدى شيكىزات – مەتانول وندىرەتىن زاۋىت سالۋ جايى كەلىسىلدى. زاۋىت قۇرىلىسى كەزەڭىندە 350 ادام جۇمىسپەن قامتىلسا, ىسكە قوسىلعان سوڭ, 200 تۇراقتى جۇمىس ورنى اشىلماق. بۇل جوبا دا 2027 جىلى پايدالانۋعا بەرىلەدى دەپ جوسپارلانعان.

ء«بىز ءاردايىم ءوزارا ءتيىم­دى ىنتىماقتاستىقتى دامىتۋ­عا دايىنبىز. زاڭنامادا كوزدەلگەن بارلىق قاجەتتى شارانى قاراستىرا وتىرىپ, مەملەكەتتىك قۇرىلىمدارمەن بىرلەسە ءتيىستى قولداۋ كورسەتۋگە ءازىرمىز. سونىمەن قاتار سىزدەردى جانە سەرىكتەستەرىڭىزدى ءوڭىر ەكونوميكاسىنىڭ باسقا دا سالالارىندا, اتاپ ايتقاندا وڭدەۋ ونەركاسىبى, كولىك جانە لوگيستيكا باعىتتارىندا بىرلەسكەن جوبالاردى ىسكە اسىرۋ مۇمكىندىكتەرىن قاراستىرۋعا شاقىرامىن. ءبىز بىرلەسە جۇمىس ىستەۋگە ارقاشان دايىنبىز», دەدى وبلىس اكىمى نۇرداۋلەت قيلىباي.

ماڭعىستاۋ وبلىسى