رەسمي دەرەككە جۇگىنسەك, وسى جىلدىڭ 28 ناۋرىزىندا بايزاق اۋدانى بويىنشا مەملەكەتتىك كىرىستەر باسقارماسى ءونىمدى ءتيىستى رۇقساتسىز ساتقانى ءۇشىن جەكە كاسىپكەرگە قاتىستى اكىمشىلىك قۇقىق بۇزۋشىلىق تۋرالى حاتتاما تولتىرعان.
«بايزاق اۋداندىق سوتىنىڭ 2025 جىلعى 16 ساۋىردەگى قاۋلىسىمەن كاسىپكەر اقبتك-ءتىڭ 463-بابى 1-بولىگىمەن كىنالى دەپ تانىلىپ, وعان 98 300 تەڭگە ايىپپۇل سالىنعان.اكىمشىلىك قۇقىق بۇزۋشىلىق تۋرالى ءىستى زەردەلەۋ بارىسىندا تەكسەرۋ زاڭسىز جۇرگىزىلگەنى, ياعني باسقارما كاسىپكەردىڭ قىزمەتىن تەكسەرۋ تۋرالى نۇسقامانى بەرمەگەنى انىقتالدى.
كاسىپكەردىڭ بۇزىلعان قۇقىقتارىن قالپىنا كەلتىرۋ ماقساتىندا اۋدان پروكۋراتۋراسى 2025 جىلعى 28 مامىردا سوت شەشىمىنە اپەللياتسيالىق ءوتىنىشحات بەردى. 2025 جىلعى 5 ماۋسىمدا جامبىل وبلىستىق سوتىنىڭ اپەللياتسيالىق القاسى اۋداندىق سوتتىڭ جوعارىدا كورسەتىلگەن قاۋلىسىنىڭ كۇشىن جويدى.
سونىمەن قاتار كاسىپكەرلىك سۋبەكتىلەرىنە مەملەكەتتىك باقىلاۋ جۇرگىزۋ ءتارتىبىن بۇزعانى ءۇشىن اۋدان پروكۋرورىنىڭ قاۋلىسىمەن باسقارما ءبولىمىنىڭ باسشىسى اقبتك-ءتىڭ 175-بابى 2-بولىگىمەن اكىمشىلىك جاۋاپتىلىققا تارتىلىپ, 25 اەك مولشەرىندە ايىپپۇل سالىندى», دەلىنگەن وبلىستىق پروكۋراتۋرا تاراتقان اقپاراتتا.
