فوتو: instagram.com/fcdynamo
«تاراز» فۋتبول كلۋبىنىڭ تۇلەگى 2017 جىلى قازاقستانداعى ۇزدىك جاس فۋتبولشى اتانعان بولاتىن.
2017 جىلى 25 قاراشادا ەلوردالىق «استانا» كومانداسىنا اۋىسىپ, «استانا» ساپىندا ۇلتتىق چەمپيونات پەن ەۋروكۋبوكتەردەگى بىرنەشە ماڭىزدى ويىنداردا الاڭعا شىققان. جىل سوڭىندا قازاقستانداعى «جاڭا ەسىم» نوميناتسياسىنا يە بولعان. 2018 جىلى استانا كلۋبىمەن ەل چەمپيونى اتاعىن العان.
2019 جىلى 12 قاڭتاردا رەسەيدىڭ «روستوۆ» كلۋبىنا اۋىسىپ, 31 رەت الاڭعا شىعىپ 4 گول سوققان بولاتىن.
2020 جىلى 25 تامىزدا ماسكەۋدىڭ تسسكا كلۋبىمەن 5 جىلدىق كەلىسىم شارت جاساسىپ, 10-تۋر ماتچىندا تسسكا ءۇشىن ءوزىنىڭ العاشقى گولىن ەكاتەرينبۋرگتە «ورال» قاقپاسىنا سوقتى. 2023 جىلى رەسەي كۋبوگى يەگەرى اتاندى.
2023 جىلى 21 تامىزدا «بەشيكتاش» كلۋبىنا اۋىستى. ءۇش كۇننەن سوڭ ۋەفا كونفەرەنتسيالارى ليگاسىندا «دينامو كيەۆ» كلۋبىنا قارسى ويىندا جاڭا كومانداسىنداعى تۇڭعىش ويىنىن وتكىزدى. ەكىنشى تايمدا الاڭعا شىقتى دا, 90+5 مينۋتتا گول سوعىپ, جاڭا كومانداسى قۇرامىندا جەڭىس گولىن سوققان.
رەسەيلىك كوماندا باحتيەر زاينۋتدينوۆ ءۇشىن «بەشيكتاشقا» 2,5 ملن ەۋرو تولەگەن. ەندى جارتىلاي قورعاۋشى وتانداسىمىز «دينامو» نامىسىن 2029 جىلعا دەيىن قورعايدى.
