فوتو: kz.kursiv.media
رەسەي يمپەرياسىنىڭ 1897 جىلعى العاشقى جالپىحالىقتىق ساناعىنىڭ دەرەكتەرىنە سايكەس, كەيىنىرەك قازاق اسسر-ءىنىڭ قۇرامىنا ەنگەن جەرلەردە 4,3 ملن ادام تۇرعان ەكەن. ولاردىڭ 3,5 ملن قازاق بولعان.
بيۋرو مالىمەتىنشە, حالىق سانىنىڭ جىلدار بويىنشا وزگەرۋ ديناميكاسى مىناداي:
•1913 ج. – 5,5 ملن
•1920 ج. – 5,4 ملن
•1922 ج. – 5,3 ملن
•1939 ج. – 6 ملن
•1959 ج. – 9,2 ملن
•1970 ج. – 13 ملن
•1979 ج. – 14,6 ملن
•1984 ج. – 15,6 ملن
تاۋەلسىزدىك العاننان كەيىن, 1991 جىلى قازاقستان حالقىنىڭ سانى 16,4 ملن ادام بولعان. الايدا كوشى-قون ۇدەرىستەرىنە بايلانىستى 2000 جىلى بۇل كورسەتكىش 14,9 ملن دەيىن ازايىپ كەتكەن. 2010 جىلى حالىق سانى قايتادان 16 ملن مەجەسىن باعىندىرىپ, 16,2 ملن ادامعا جەتكەن.
2023 جىلعى قاراشادا ەلىمىزدەگى حالىق سانىندا تاريحي كورسەتكىش تىركەلدى. سول جىلدىڭ سان دەرەگىنە ساي قازاقستان حالقى العاش رەت 20 ميلليوننان استى. ال 2025 جىلعى 1 ماۋسىمداعى كەيىنگى دەرەكتەرگە سايكەس, قازاقستان حالقىنىڭ سانى 20,3 ملن ادامعا جەتكەن.
