باتىس ەۋروپا-باتىس قىتاي كولىك دالىزىندە جۇمىس جالعاسۋدا

شىمكەنت. 19 ناۋرىز. باتىس ەۋروپا-باتىس قىتاي كولىك ءدالىزىنىڭ وڭتۇستىك قازاقستان وبلىسىنا تيەلىسى ەڭ ءىرى تارماعىندا قۇرىلىس جۇمىستارى جالعاسۋدا. بۇل تۋرالى egemen.kz ءتىلشىسى حابارلادى. قازىعۇرت وتكەلىندە «اككورد» فيرماسىنىڭ جۇمىسشىلارى بەتون توسەۋ ءۇشىن ارنايى تەحنيكالاردى دايىنداپ, قوسىمشا جۇمىستاردى اتقارۋدا. اۋا رايىنىڭ قولايلى بولۋىنا بايلانىستى جىلداعىدان ءبىر اي بۇرىن ىسكە كىرىسكەن قۇرىلىسشىلار وسى ۋاقىتقا دەيىن 13 شاقىرىمعا بەتون توسەپ ۇلگەردى. جىل اياعىنا دەيىن تاعى 24 شاقىرىم جولدى جوندەپ تاپسىرۋى ءتيىس. قازىر كومپانيادا 200-گە جۋىق ادام جۇمىس ىستەۋدە. ايتا كەتەيىك, شىمكەنتتەن وزبەكستان شەكاراسىنا دەيىنگى ارالىق 90 شاقىرىمنان اسادى. اتالعان كومپانيا وزىنە تيەسىلى قۇرىلىس جۇمىستارىن اياقتاپ بولعان سوڭ كەلەسى تارماقتى قىتايلىق كومپانيا جالعاستىرادى. ءۇش تارماقتان تۇراتىن جول 2016 جىلى تولىق ءبىتىپ, پايدالانۋعا بەرىلەدى دەپ كۇتىلۋدە. باقتيار تايجان. دەرەك: egemen.kz. سۋرەت: centralasiaonline.com.