فوتوسۋرەت: KazChess
تۋرنير سەنات توراعاسى ماۋلەن اشىمباەۆتىڭ باستاماسى مەن قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆتىڭ قولداۋىمەن ۇيىمداستىرىلدى.
جارىسقا اقتوبە, اتىراۋ, باتىس قازاقستان جانە ماڭعىستاۋ وبلىستارىن قامتيتىن «باتىس» ايماعىنداعى ىرىكتەۋ تۋرلارىنىڭ ناتيجەسى بويىنشا 132 ۇزدىك شاحماتشى قاتىستى.
اقساي قالاسىنان كەلگەن 35 جاستاعى انداربەك ساليحوۆ 9-دان 8½ ۇپاي جيناپ, تۋر جەڭىمپازى بولدى. اتىراۋلىق عابيت بيسەنعاليەۆ ەكىنشى ورىندى يەلەندى. اقتوبە وبلىسىنىڭ تۇرعىنى بولاتبەك دوسماعانبەتوۆ ءۇشىنشى ورىنعا شىقتى, ونىڭ 7 ۇپايى بۋحگولتس كوەففيتسيەنتى بويىنشا ارتىقشىلىقا يە بولىپ, باسقا قاتىسۋشىلاردى اينالىپ وتۋگە مۇمكىندىك بەردى.
جالپى ەسەپتە قاتىسۋشىلار عانا جوعارى ناتيجە كورسەتكەن جوق. ۇزدىك شىققاندار ارنايى ساناتتاعى التى جۇلدەمەن ماراپاتتالدى. ارداگەرلەردەن بولاتبەك دوسماعانبەتوۆ, ايەلدەر اراسىندا نادەجدا ۋسكوۆا, دەپۋتاتتار مەن ءماسليحات قىزمەتكەرلەرى ىشىنەن قۋانىشبەك ءابدىراحمان, مەملەكەتتىك قىزمەتكەرلەردەن عابيت بيسەنعاليەۆ, قوعامدىق كەڭەس مۇشەلەرى اراسىندا انداربەك ساليحوۆ, باق وكىلدەرىنەن ءبىرجان كۋحاەۆ العا شىقتى.
«Senat Open» II اشىق كۋبوگى شۆەيتساريالىق جۇيە بويىنشا 9 تۋردان تۇرادى. ءار ويىنشىعا 10 مينۋت جانە ءار جۇرىسكە قوسىمشا 5 سەكۋند بەرىلەدى. بيىلعى تۋرنيرگە رەيتينگ كورسەتكىشى 2 مىڭنان تومەن شاحماتشىلار قاتىسىپ وتىر. اقپان مەن مامىر ارالىعىندا ەلىمىزدىڭ ءار وڭىرىندە 20 ىرىكتەۋ ءتۋرنيرى ءوتىپ, ولارعا 2100-دەن استام ادام قاتىستى. ارداگەرلەر اراسىنداعى جارىستاردى قوسا ەسەپتەگەندە, قاتىسۋشىلار سانى 3 مىڭنان استى. الدا تاعى ءبىر جارتىلاي فينال بار, ول «شىعىس» ايماعىندا وتەدى.
