فوتولار: استانا اكىمدىگى
«ورتالىقتاندىرىلعان كىتاپحانالار جۇيەسى» كمم ديرەكتورىنىڭ ورىنباسارى بەكبولات ارىستانبەكوۆتىڭ ايتۋىنشا ەكوبۋككروسسينگ سورەسى – كىتاپحانا قىزمەتكەرلەرى مەن وقىرمانداردى ورتاق كەڭىستىكتە بىرىكتىرەدى, وندا اركىم كىتاپتى قوقىسقا تاستاۋدىڭ نەمەسە پايدالانباي قۇر ساقتاۋدىڭ ورنىنا باسقا وقىرمانعا بەرە الادى, ياعني ءبىر-بىرىمەن كىتاپ الماسادى.
«ەكوبۋككروسينگكە قويىلعان باستى تاقىرىپتار ەلىمىزدە مەكەندەيتىن جانۋارلار تۇرلەرىنە, ەلىمىزدىڭ تابيعاتىنا, قورىقتارىنا, تاۋلى ايماقتارىنا ارنالادى. كورمەگە وسىمدىكتەر الەمى, بالالارعا ارنالعان ەكولوگيالىق الىپپە سىندى كىتاپتاردى قويدىق. سونداي-اق كەلۋشىلەر كورمەدەن وبلىستاردىڭ سۇلۋ تابيعاتى تۋرالى كىتاپتاردى دا تابا الادى. كىتاپتاردى الۋ ءۇشىن ءار ادام ءوزىنىڭ ەكولوگيالىق باعىتتاعى ءبىر كىتابىن اكەلىپ, ورنىنا باسقا كىتاپتى الىپ كەتە الادى», دەدى ب.ارىستانبەكوۆ.
ايتا كەتەلىك, اتالعان ەرەكشە ءىس-شارا جىل سوڭىنا دەيىن بولادى.
