سپورتتىق گيمناستيكادان كوماندالىق جارىس كەزىندە جاپوندىق سپورتشى سۋن فۋدزيموتو تىزەسىن سىندىرىپ الادى. كەز كەلگەن سپورتشى ءۇشىن بۇل جارىستى توقتاتۋعا تولىق نەگىز بولار ەدى. الايدا فۋدزيموتو جاراقاتىنا قاراماستان, بۇل جايىندا باپكەرلەرىنە دە, دارىگەرلەرگە دە ءتىس جارماي, جارىستى جالعاستىرادى. ول الدىمەن گيمناستيكالىق ات سناريادىندا ونەر كورسەتەدى. كەيىن ساقينادا كۇردەلى جاتتىعۋلار ورىندايدى. ەڭ تاڭعالارلىعى – سوڭعى كەزەڭدە ول ءبىرشاما بيىكتىكتەن قۇلديلاپ كەلىپ ەكى اياعىمەن جەرگە ءمىنسىز تۇسەدى. وسى كەزدە تىزەسىنە تۇسكەن اۋىر سالماقتان ونىڭ جاراقاتى ودان ءارى اسقىنىپ كەتكەنىمەن, سپورتشى بۇل ءساتتى دە سابىرمەن ەڭسەرە ءبىلدى. فۋدزيموتونىڭ بۇل باتىل قادامى كومانداسىنا شەشۋشى ۇپايلار الىپ كەلىپ, جاپونيا قۇراماسى جارىستا التىن مەدال يەلەنەدى.
