سولتۇستىك قازاقستاندا كەمباعال جاندار دالادا قالاتىن ءتۇرى بار

پەتروپاۆل. 19 ناۋرىز.  قىزىلجار اۋدانىنا قاراستى بولشايا مالىشكا اۋىلىندا ءبىر ءۇيدى پانالاپ جۇرگەن 20 ادام   قايدا بارارلارىن بىلمەي اۋرە-سارساڭعا ءتۇسىپ ءجۇر. بۇل تۋرالى  egemen ءتىلشىسى حابارلادى. كەزبە جانە جارىمجان ادامدار بۇل ەلدى مەكەندى  بىر جىلعا جۋىق قونىس ەتىپ كەلگەن.  ولاردى وسىندا وبلىس ورتالىعىنداعى قايىرىمدىلىق قورلارىنىڭ بىرىنە جەتەكشىلىك ەتەتىن  دەنيس  ناسرەتدينوۆ ورنالاستىرىپتى. ءبىرازىنىڭ  قۇجاتتارىن تۇگەندەپ, كەيبىرىنىڭ وتباسىلارىنا ورالۋىنا  جاردەمدەسىپتى.  53 جاستاعى  سەرگەي لىسەنكو–بىرىنشى توپتاعى مۇگەدەك. وسىدان ءبىرجارىم جىل بۇرىن جول اپاتىنا ۇشىراپ, ەكى  اياعىن كەسۋگە تۋرا كەلگەن.  دالادا قاڭعىپ جۇرگەن جەرىنەن دەنيس قولىنان جەتەلەپ اكەلىپتى. «بۇل ءۇيدى دەنيس ءبىر تانىسىنان  سۇراپ الىپ, ءبارىمىزدى ورنالاستىرعان بولاتىن. ول ادامگەرشىلىگىنە راحمەت! ەندى  باسپانانىڭ زاڭدى يەسى باسقا بىرەۋگە  ساتىپ جىبەرىپ, شىق-شىقتىڭ استىنا الىپ جاتىر. ءبىر-بىرىمىزگە ابدەن باۋىر باسىپ, تارتىپكە دە, تازالىققا دا ۇيرەنىپ قالعان ەدىك. الدا نە كۇتىپ تۇرعانىن بىلمەيمىز. باياعى  قاڭعىباستىق تاز قالپىمىزعا قايتادان تۇسەتىن شىعارمىز»,–دەيدى سەرگەي نالىپ. ارالارىندا باعا-شاعالارىمەن قاۋىشقاندارى بار. الايدا, 8 مۇگەدەك,  4  كەزبە جاننىڭ  كەلەشەك تاعدىرى بەلگىسىز. بۇلار ءبىر شاڭىراق استىندا  اراق ىشپەۋدى,  تەمەكى تارتپاۋدى ءومىر سالتىنا اينالدىرعان.  ءتىپتى  ءبىر كاسىپكەر ەكى توراي ساتىپ اپەرىپ, قوسالقى شارۋاشىلىقپەن اينالىسۋعا دا دەن قويعان. تابيعاتى اسەم ەلدى مەكەننەن باسپانا ساتىپ الۋعا جاعدايلارى جوق مىسكىن جاندار  جەرگىلىكتى بيلىككە قارايلايدى. ولار بولسا,  دەمەۋشىلەر تابىلىپ قالار دەپ ۇمىتتەندىرىپ  قويادى. ءومىر ەسقالي. دەرەك: egemen.kz سۋرەت: egemen.kz