فوتو: zhaikpress.kz
مادەنيەت جانە اقپارات مينيسترلىگى بۇل كورسەتكىش وتكەن جىلمەن سالىستىرعاندا بىرنەشە ەسە جوعارى ناتيجە ەكەنىن مالىمدەدى.
قازىر ناۋرىز ايىندا باستالعان «جاقسىلىق جاسا» مارافونى بۇكىل ەل اۋماعىندا جالعاسىپ جاتىر. مارافون اياسىندا وسى ۋاقىتقا دەيىن الەۋمەتتىك, ەكولوگيالىق جانە مادەني باعىتتاردى قامتىعان 1600-دەن استام يگى ءىس اتقارىلعان.
مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس, تمد ەلدەرى ۆولونتەرلەرىنىڭ فورۋمىن وتكىزۋگە ارنالعان حالىقارالىق ەرەجە ازىرلەنىپ, ەرەجە نەگىزىندە جىل سايىنعى ۆولونتەرلەر فورۋمى قۇرىلعان. سونىمەن قاتار, قازاقستان 2026 جىلى وتەتىن حالىقارالىق ۆولونتەرلەر جىلىنا قىزۋ دايىندىققا كىرىسكەن. جىل باسىنان بەرى ەلىمىزدىڭ ءتۇرلى ايماقتارىندا 10 ماقساتتى توپتىڭ كەزدەسۋى ءوتتى. ەكى قازاقستاندىق ۆولونتەر حالىقارالىق حاتشىلىقتارعا, تۇركيا مەن تايلاندقا جىبەرىلگەن.
ۆولونتەرلەر قارتتار جانە بالالار ۇيلەرىندە كومەك كورسەتىپ, قۇتقارۋ جۇمىستارىنان باستاپ وقىتۋ جوبالارىنا دەيىن ءتۇرلى سالادا بەلسەندىلىك تانىتىپ جاتادى. سونىمەن بىرگە, توتەنشە جاعدايلاردىڭ الدىن الۋ مەن قاۋىپسىزدىك باعىتىندا اقپاراتتىق جۇمىستارعا قاتىسادى. بارلىق وڭىردە 63 جاستان اسقان ازاماتتارعا ارنالعان «بەلسەندى ۇزاق ءومىر ءسۇرۋ» ورتالىعى جەمىستى جۇمىس ىستەۋدە. ولار الەۋمەتتىك, ءبىلىم بەرۋ, ەكولوگيالىق جانە مادەني جوبالارعا بەلسەنە اتسالىسىپ جاتىر.
ەلىمىزدە قۇقىقتىق ۆولونتەرلىك تە دامىپ كەلەدى. بۇگىندە 3,5 مىڭنان استام زاڭگەر, ادۆوكات, نوتاريۋس پەن زاڭ فاكۋلتەتتەرىنىڭ ستۋدەنتتەرى حالىققا تەگىن قۇقىقتىق كومەك كورسەتىپ وتىر. جىل باسىنان بەرى 9 مىڭنان استام ازامات تەگىن كەڭەس العان.
ۆولونتەرلىك قىزمەت Qazvolunteer.kz ونلاين-پلاتفورماسى ارقىلى ۇيلەستىرىلەدى. قازىر بۇل پلاتفورمادا 3,7 مىڭنان استام ۇيىم مەن 1,2 مىڭعا جۋىق جوبا تىركەلگەن.
ايتا كەتەيىك, 2024–2026 جىلدارعا ارنالعان ۆولونتەرلىكتى دامىتۋ جانە قولداۋ جونىندەگى جول كارتاسى اياسىندا ۇلتتىق جانە 20 وڭىرلىك فرونت-كەڭسە جۇيەلى جۇمىس جۇرگىزىپ جاتىر.
