الماتىداعى ءابىلحان قاستەەۆ اتىنداعى مەملەكەتتىك مۇراجايدا «ەجەلگى شىعىس اڭىزدارى مەن ميفتەرى» اتتى كورمە ءوز جۇمىسىن باستادى.
1935 جىلى شاڭىراق كوتەرگەن قازاقستاننىڭ تۇڭعىش مۇراجايىنا ماسكەۋ مۇراعاتىنان شىعىس ەلدەرىنىڭ مادەنيەتىن پاش ەتەتىن كوپتەگەن جادىگەرلەر اكەلىنىپ, سول قۇندى دۇنيەلەر بۇگىندە ەل نازارىنا ۇسىنىلىپ وتىر. مۇندا ءحVى عاسىردان باستاپ ءحVىىى, ءحىح عاسىرلاردىڭ تىنىس-تىرشىلىگىنەن حابار بەرەتىن شىعىس ەلدەرىنىڭ ءومىرى مەن وركەنيەتىن, سول باعزى زامانداعى بيلەۋشىلەر مەن اقسۇيەك اۋلەت وكىلدەرىنىڭ تۇرمىس-سالتىن كورسەتەتىن بۇيىمدار جانە م ۇلىك-مۇكامالدار بارشىلىق.
ەرميتاج, ترەتياكوۆ گالەرەياسى, ا.س.پۋشكين اتىنداعى ورىس مۇراجايى مەن ماسكەۋدىڭ ورتالىق مادەنيەت ورىندارىنان اكەلىنگەن جادىگەرلەردىڭ ارقايسىسى ءبىر ءداۋىر, ءبىر تاريحتان سىر شەرتەدى. كۇنى بۇگىنگە دەيىن قىتاي مادەنيەتىنىڭ بولشەگى دەپ ەسەپتەلىپ كەلگەن شىعىس عيباداتحاناسىنىڭ ءيىس تاراتقىش قازانشىعىن جۋىردا قىتاي عالىمدارى مەن ماماندارى ءحىح عاسىرداعى جاپون شەبەرى سيوۋن نيشيمۋرا دەيتىن ايگىلى شەبەردىڭ تۋىندىسى ەكەندىگىن انىقتاعان. سونداي-اق, ونەر مۇراجايىنىڭ شىعىس جادىگەرلەرى قويىلعان زالىندا كۇرىش قاعازىنا ءتۇرلى-ءتۇستى بوياۋمەن سالىنعان قىتاي اقسۇيەكتەرىنىڭ ءومىرىن بەينەلەيتىن 33 مەترلىك سۋرەت-بايان وراماسى, شىعىس حانشايىمىنىڭ التىن جىپپەن ايداھار بەينەسى بەدەرلەنگەن قامزولى, كەرەمەت شەبەرلىكپەن جاسالعان حانشايىم جەلپۋىشى, فارفور مەن قىشتان جاسالعان كونە قۇمىرالار, نەفريت پەن قولادان قاشالعان بۋددانىڭ مۇسىندەرى بار.
شەتەلدىك قوناقتار مەن قالا تۇرعىندارىنىڭ ۇلكەن قىزىعۋ-
شىلىعىن تۋدىرعان شىعىس ءومىرى مەن ءاپساناسىن ناسيحاتتايتىن كورمە تامىز ايىنىڭ ورتاسىنا دەيىن جالعاسپاق.
قانات ەسكەندىر, «ەگەمەن قازاقستان».
الماتى.
