Numbeo ساراپتامالىق پلاتفورماسىنىڭ ساراپشىلارى بىرنەشە ەلدىڭ تۇرعىندارى اراسىندا ساۋالناما جۇرگىزىپ, ءومىر ءسۇرۋ شىعىندارىن ەسەپتەگەن. ولار ازىق-ت ۇلىك, ازىق-ت ۇلىككە جاتپايتىن تاۋارلار مەن اقىلى قىزمەتتەردىڭ باعاسىن زەرتتەگەن.
ولاردىڭ شىلدە ايىنا جاساعان ەسەبى بويىنشا, قازاقستاندا ءبىر ادامنىڭ اي سايىنعى نەگىزگى شىعىندارى (تۇرعىن ءۇي جالداۋ قۇنىن قوسپاعاندا) 265 533 تەڭگەنى قۇرايدى. ال ءتورت ادامنان تۇراتىن وتباسىنىڭ شىعىنى 946 300 تەڭگەگە دەيىن جەتەدى.
ماماندار بۇل كورسەتكىشتى ەۋرازيالىق ەكونوميكالىق وداقتاعى ەڭ جوعارىلاردىڭ ءبىرى دەپ اتادى.
رەسەي – 352 223 تگ (وتباسى ءۇشىن 1 242 203 تگ)
قىرعىزستان – 244 789 تگ (875 374 تگ)
بەلارۋس – 252 993 تگ (897 139 تگ)
ارمەنيا – 397 199 تگ (1 412 038 تگ)
ساراپشىلاردىڭ ايتۋىنشا, قازاقستاندىقتار "تاماق ءۇشىن جۇمىس ىستەيدى". 2004 جىلى ءۇي شارۋاشىلىقتارىنىڭ جالپى تۇتىنۋشىلىق شىعىندارىنىڭ 45,7%-ى تاماققا جۇمسالسا, وتكەن جىلى بۇل كورسەتكىش 55,4%-عا دەيىن وسكەن. ياعني, ءبىر جىل ىشىندە ازىق-ت ۇلىككە جۇمسالاتىن ۇلەس 10 پايىزدىق تارماققا ارتقان.
