ەڭ جوعارى جالاقى تىركەلگەن ءوڭىر – اتىراۋ وبلىسى, مۇندا ورتاشا جالاقى 634,2 مىڭ تەڭگە. ەكىنشى ورىندا ماڭعىستاۋ وبلىسى تۇر (621,3 مىڭ تەڭگە). ءۇشىنشى ورىندى ۇلىتاۋ وبلىسى (599 مىڭ تەڭگە) يەلەندى.
كەرىسىنشە, ەڭ تومەنگى جالاقى دەڭگەيى سولتۇستىك قازاقستان وبلىسىندا تىركەلدى – 300,1 مىڭ تەڭگە. سونداي-اق, جەتىسۋ وبلىسىندا (308,4 مىڭ تەڭگە) جانە جامبىل وبلىسىندا (308,9 مىڭ تەڭگە) دا كورسەتكىشتەر ەلدەگى ەڭ تومەنگى دەڭگەيلەردىڭ قاتارىندا.
2025 جىلدىڭ العاشقى توقسانىندا ناقتى جالاقى يندەكسى 101,2%-دى قۇرادى. بۇل ينفلياتسيانى ەسكەرە وتىرىپ, جالاقىنىڭ ساتىپ الۋ قابىلەتىن كورسەتەتىن ماڭىزدى ينديكاتور. اتالعان يندەكس ەلىمىز بويىنشا ورتاشا ەسەپپەن 1,2%-عا وسسە دە, بىرقاتار وڭىرلەردە تومەندەۋ بايقالعان. اتاپ ايتقاندا:
• باتىس قازاقستان وبلىسىندا ناقتى جالاقى 5,2%-عا تومەندەگەن;
• اتىراۋ وبلىسى – 3,9%;
• شىعىس قازاقستان – 1,9%;
• قىزىلوردا – 1,2%;
• اقمولا – 1,1%;
• ماڭعىستاۋ وبلىسىندا – 0,8% تومەندەگەن.
سونداي-اق, شىلدە ايىنان باستاپ سۋ سالاسىندا قىزمەت ەتەتىن مامانداردىڭ جالاقىسى 50%-عا دەيىن ارتاتىنى بەلگىلى بولدى. ۇكىمەتتىڭ شەشىمىنە سايكەس, بۇل وزگەرىس سالانىڭ ەڭبەك نارىعىنداعى تارتىمدىلىعىن ارتتىرۋ ماقساتىندا قولعا الىنعان.
