قىزمەت تەگىن ۇسىنىلادى جانە تەك ۇلتتىق ۇلانداعى اسكەري قىزمەتشىلەرگە عانا قولجەتىمدى. ءوتىنىم تولتىرىلعان كەزدە قىزمەتكەردىڭ جۇمىس ورنى تۋرالى دەرەكتەر اقپاراتتىق جۇيەلەر ارقىلى راستالسا, انىقتاما اۆتوماتتى تۇردە قالىپتاسادى.
قىزمەتتى پايدالانۋ ءۇشىن ازاماتتار eGov.kz پورتالىندا اۆتوريزاتسيادان ءوتىپ, «ازاماتتارعا», «اسكەري ەسەپ جانە قاۋىپسىزدىك», «اسكەري قىزمەت» بولىمدەرىن تاڭداۋ كەرەك. سودان سوڭ ۇلتتىق ۇلاننىڭ «جۇمىس ورنىنان انىقتاما» قىزمەتىن تاڭداپ, «ونلاين سۇراۋ» باتىرماسىن باسۋ قاجەت. كەيىن «كەلەسى» باتىرماسىن باسىپ, ءوتىنىمدى قول قويۋ تاسىلدەرىنىڭ بىرىمەن راستاۋعا ءتيىس. ال قىزمەتتىڭ ناتيجەسى پايدالانۋشىنىڭ جەكە كابينەتىندە «قىزمەتتەردى الۋ تاريحى» بولىمىندە قولجەتىمدى بولادى.
ەگەر ءوتىنىش بەرۋشى ۇلتتىق ۇلاننىڭ قاتارىندا بولماسا, جۇيە سەبەبىن كورسەتە وتىرىپ, باس تارتۋ تۋرالى جاۋاپ بەرەدى. قۇجاتتىڭ قولدانىلۋ مەرزىمى – 10 كۇنتىزبەلىك كۇن.
قىزمەت تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى, «ۇلتتىق اقپاراتتىق تەحنولوگيالار» اق جانە ۇلتتىق ۇلانىنىڭ بىرلەسكەن جۇمىسى ناتيجەسىندە ىسكە قوسىلدى.
