فوتو: اشىق دەرەككوز
ۇكىمەتتىڭ ءباسپاسوز قىزمەتىنىڭ مالىمدەۋىنشە, ءبىرىنشى باعدارلاما تۇرۋعا ىقتيارحاتتى تولىعىمەن ونلاين-فورماتتا الۋعا مۇمكىندىك بەرەدى. بۇعان دەيىن بۇل ءۇشىن ەلىمىزگە ءوز اياعىمەن كەلۋى, جسن مەن ەلەكتروندىق تسيفرلىق قولتاڭبا الۋى جانە كىرىسىن راستاۋى تالاپ ەتىلەتىن. بۇگىندە بۇل پروتسەسس تولىقتاي قاشىقتان جۇزەگە اساتىن بولدى. ءوتىنىش بەرۋ astanahub.com جانە egov.kz سايتتارى ارقىلى جۇزەگە اسىرىلادى. جسن مەن ەتسق-نى شەتەلدىك مەكەمەلەر ارقىلى دا راسىمدەۋگە بولادى, كىرىستى راستاۋ ەندى تالاپ ەتىلمەيدى. بۇل شەتەلدىك ءىت-مامانداردىڭ كىرۋىن جانە زاڭداستىرۋ ماسەلەلەرىن ايتارلىقتاي جەڭىلدەتتى.
ال, ەكىنشى باعدارلاما – تسيفرلىق كوشپەلىلەرگە ارنالعان مامانداندىرىلعان ۆيزا. باعدارلاما قازاقستاندا ءوز ماماندىعى بويىنشا 1 جىل مەرزىمدە جۇمىس ىستەۋگە جانە ەلدە ءارى قاراي تۇرۋعا ىحتيارحات الۋعا مۇمكىندىك بەرەدى. ول ونلاين راسىمدەلەدى جانە ەل اۋماعىندا العاش رەت تسيفرلىق كوشپەلىلەردىڭ ەڭبەك قىزمەتىن زاڭداستىرىپ وتىر.
بۇگىندە باعدارلاماعا قاتىسۋعا 204 ءوتىنىم تۇسكەن ەكەن. الجير مەن بوتسۆان ازاماتتارىنا العاشقى 2 ۆيزا بەرىلگەن. «بۇل باعدارلامالار – تسيفرلىق تالانتتاردى تارتۋعا باعىتتالعان زاماناۋي جانە تەحنولوگيالىق كوشى-قون ساياساتىن قالىپتاستىرۋ جولىنداعى ماڭىزدى قادام», دەدى سالا ءمينيسترى ج. ماديەۆ.
