فوتو: gov.kz
جوبا بيىل تامىز ايىندا باستالىپ, 2028 جىلعا دەيىن جۇزەگە اسىرىلادى. جاڭا اينالما جولدىڭ سالىنۋى وبلىستىڭ لوگيستيكالىق الەۋەتىن ارتتىرىپ, سەمەي قالاسىنىڭ كولىك جۇكتەمەسىن ازايتۋعا مۇمكىندىك بەرەدى. وبلىس ورتالىعىنداعى اسپالى كوپىر ارقىلى جىلىنا 700 مىڭعا جۋىق كولىك وتەدى.
بەرىك ءۋالي جوباعا قاتىستى جۇمىستاردىڭ باستالىپ كەتكەنىن ايتتى.
«قازاق-قىتاي كاسىپورىندارىنىڭ بىرلەسكەن كونسورتسيۋمى نەگىزىندە قول قويىلعان كەلىسىمگە ساي بيىل تامىز-قىركۇيەك ايلارىندا جوبانىڭ تەحنيكالىق-ەكونوميكالىق نەگىزدەمەسى جاسالادى. ال قازان, قاراشا ايلارىندا اينالما جولدىڭ الدىن الا جوباسى ازىرلەنىپ, كوپىرلەر مەن جول ايىرىقتارى اكىمدىكپەن كەلىسىلەدى. قاراشا, جەلتوقسان ايلارىندا جۇمىس جوسپارى, قۇرىلىسقا دايىندىق اكىمدىكپەن كەلىسىلەدى. سودان كەيىن بارىپ سەمەي قالاسىن اينالىپ وتەتىن اۆتوجول قۇرىلىسى باستالادى. بۇل كەلىسىم ءبىزدىڭ ەلدەر اراسىنداعى ۇزاق مەرزىمدى ءارى ءوزارا ءتيىمدى ىنتىماقتاستىقتىڭ نەگىزىنە اينالىپ, ەۋرازياداعى حالىقارالىق كولىك دالىزدەرىنىڭ دامۋىنا ايتارلىقتاي ۇلەس قوساتىنىنا سەنىمدىمىن», دەدى اباي وبلىسىنىڭ اكىمى.
سەمەيدەگى اينالما جولدى استاناداعى LRT قۇرىلىسىنا قاتىسىپ جاتقان كومپانيا سالادى.
ء«بىزدىڭ كومپانيا بۇل جوباعا بىلتىردان باستاپ ارالاسىپ, بىرقاتار جاقسى ناتيجەلەرگە قول جەتكىزدىك. وسى تاجىريبەمىزدى سەمەي قالاسىنداعى اينالما جول قۇرىلىسى كەزىندە ىسكە اسىرامىز دەپ ويلايمىن» دەدى چجوۋ حايۆەي.
