باعدارلامانىڭ اشىلۋى «WorldLearning» كەڭسەسىندە ءوتتى. سالتاناتتى شاراعا قازاقستاندىق دەلەگاتسيا مۇشەلەرىمەن قاتار, اقش مەملەكەتتىك دەپارتامەنتىنىڭ وكىلدەرى دە قاتىستى. دەلەگاتسيا جۇمىسى سميتسون ينستيتۋتى, تاريحي نىسانداردى ساقتاۋ ۇلتتىق قور اسسوتسياتسياسى, دجوردج ۆاشينگتون ۋنيۆەرسيتەتى, نيۋ-مەكسيكو شتاتىنىڭ پەتروگليف ۇلتتىق ەسكەرتكىشىندەگى رەسمي كەزدەسۋلەر, كەلىسسوزدەر جانە تاجىريبە الماسۋدى قامتيدى. ساپار اياسىندا ۆاشينگتونداعى دجوردج ۆاشينگتون ۋنيۆەرسيتەتى مەن نيۋ-يوركتەگى روبەرت دە نيرونىڭ «Tribeca» كينوستۋدياسىندا قازاق حاندىعىنىڭ 550 جىلدىعىنا ارنالعان دەرەكتى ءفيلمنىڭ تۇساۋكەسەرى وتەدى.
«قازاق حاندىعىنا 550 جىل» ءفيلمى قازاق حاندىعىنىڭ قۇرىلۋ تاريحىنا ارنالعان. ول كونە جانە ورتا عاسىرلارداعى شىعىس ازيا مەن ۇلى جىبەك جولى, موڭعول شاپقىنشىلىعى مەن الەمنىڭ گەوساياسي ءبولىنۋى, قازاق حالقىن جاۋلاپ الۋ تاريحناماسى, شىڭعىسحان مۇراگەرلەرىنىڭ اراسىنداعى تالاس, 1465 جىلى العاشقى دەربەس قازاق حاندىعىنىڭ قۇرىلۋى تۋرالى باياندايدى. سونداي-اق, كينوفيلمدە كەرەي جانە جانىبەك, ولاردىڭ ۇلدارى قاسىم جانە بۇرىندىق بيلىگى تۋرالى جاڭا دەرەكتەرى ورىن العان. 1952 جىلدان باستاۋ الاتىن IVLPondemand حالىقارالىق ساپارلار باعدارلاماسى – اقش مەملەكەتتىك دەپارتامەنتىنىڭ ەڭ كونە جانە بەدەلدى كاسىبي الماسۋ باعدارلامالارىنىڭ ءبىرى.
اقش-قا قىسقا مەرزىمدى ساپارلار بارىسىندا ءتۇرلى سالا ماماندارى امەريكالىق ارىپتەستەرىمەن كەزدەسىپ, ۇزاق مەرزىمدى ىنتىماقتاستىقتارىن دامىتادى. جىل سايىن اقش-قا IVLP باعدارلاماسى بويىنشا 5000-نان استام شەتەلدىك قاتىسۋشىلار كەلەدى. جالپى العاندا, 200 000 شەتەلدىك مامان امەريكالىقتارمەن IVLP باعدارلاماسى كومەگىمەن بايلانىس ورناتتى. ولاردىڭ اراسىندا 330 قىزمەتتەگى جانە بۇرىنعى مەملەكەت باسشىلارى مەن دەپارتامەنت جەتەكشىلەرى بار.
«ەگەمەن-اقپارات».
