ءيا, ءامىردىڭ جەكەلەگەن سايىستا سۇرىنگەنى راس. دەگەنمەن جۇپتىق باسەكەدە قانداسىمىز جاقسى ونەر كورسەتتى. رەسەيلىك ەگور پلەشيۆتسەۆ ەكەۋى نەبىر مىقتى قارسىلاستارىن ۇتىپ, شيرەك فينالدا تيموفەي دەرەپاسكو (رەسەي)/ياكوپو ۆاسامي (يتاليا) جۇبىن 6:3, 6:2 جەڭدى. بىراق ودان ءارى اسا المادى. جارتىلاي فينالدا وسكار پالانديۋس (فينليانديا)/الان ۆاجنىعا (پولشا) جول بەردى – 4:6, 6:4, 5:10.
ءا.ومارحانوۆ بۇعان دەيىن دە ورەلى ونەرىمەن كوزگە ءتۇسىپ ۇلگەرگەن ورەن. ITF-ءتىڭ جەكەلەگەن جارىسىندا التى, جۇپتىق باسەكەسىندە التى رەت توپ جاردى. سولاردىڭ قاتارىندا الەم چەمپيوناتىنا بالانعان «Orange Bowi» ءتۋرنيرى دە بار. بىلتىر اۋستراليانىڭ اشىق بىرىنشىلىگىنىڭ شيرەك, «رولان گارروستىڭ» جارتىلاي فينالىندا كۇش سىناستى. وسى تابىستارىنىڭ ارقاسىندا بيىل ءوز قاتارلاستارى اراسىنداعى رەيتينگتە ۇزدىك وتىز ويىنشىنىڭ قاتارىنا قوسىلعان ەدى. ەندى, «ۋيمبلدون» دوداسىنان كەيىن ءتورتىنشى ورىنعا تابان تىرەدى. 17 جاستاعى سپورتشى ءۇشىن بۇل وتە جاقسى كورسەتكىش. ءبىر ايتا كەتەرلىگى, بۇعان دەيىن سپورتتىڭ وسى ءتۇرىن سەرىك ەتكەن بىردە-ءبىر قازاق جاسى وسىنداي بيىككە كوتەرىلگەن ەمەس.
