20–30 شىلدە كۇندەرى وتەتىن سيمپوزيۋم بەدەلدى قىلقالام شەبەرلەرىنىڭ ءوزارا تاجىريبە الماسۋىن, شەبەرلىك ساباقتارىن وتكىزۋدى جانە ماڭعىستاۋ ولكەسىنىڭ تابيعي ەرەكشەلىكتەرىن بەينەلەيتىن ونەر شىعارمالارىن جاساۋدى ماقسات ەتكەن. سونداي-اق سيمپوزيۋم ارقىلى تەمىردەن جاسالعان مۇسىندەردى ناسيحاتتاۋ, قالانىڭ كورىكتى جەرلەرىن اشۋ جانە ءمۇسىن ونەرىن دارىپتەۋ دە ۇمىت قالماعان.
ون كۇنگە سوزىلاتىن سيمپوزيۋمعا تۇركىتىلدەس مەملەكەتتەردەن 30-دان استام ءمۇسىنشى مەن سۋرەتشى قاتىسىپ جاتىر. ەلىمىزدەن قاتىسۋشى ون ءمۇسىنشىنىڭ ەكەۋى, ون سۋرەتشىنىڭ بەسەۋى اقتاۋدان.
ء«ىس-شارا بەينەلەۋ ونەرىن ناسيحاتتاپ, قالا تۇرعىندارى مەن قوناقتارىن تۇركىتىلدەس ەلدەردەن كەلگەن قاتىسۋشىلاردىڭ شىعارماشىلىعىمەن تانىستىرۋدى كوزدەيدى», دەيدى اقتاۋ قالالىق مادەنيەت, دەنە شىنىقتىرۋ جانە سپورت ءبولىمىنىڭ باسشىسى نۇربولات مۇساعاليەۆ. ايتۋلارىنشا, سيمپوزيۋم اياسىندا وتكىزىلەتىن ءىس-شارالار قالا مادەنيەتىن دامىتۋعا, ونەرگە قىزىعۋشىلىقتى ارتتىرۋعا جانە حالىقارالىق مادەني بايلانىستى نىعايتۋعا باعىتتالعان.
ماڭعىستاۋ وبلىسى
