فوتو: primeminister.kz
كۇنباعىس مايى, سيىر ەتى, قوي ەتى, كارتوپ سەكىلدى الەۋمەتتىك ماڭىزى بار تاۋارلارعا باعانىڭ ءوسۋى بايقالىپ وتىر. كۇنباعىس مايى بويىنشا ناقتى شارالار قابىلدانىپ جاتىر: 2024 جىلى ونىڭ ءوندىرىسى 15%-عا ۇلعايدى, بۇل – ىشكى قاجەتتىلىكتەن ەكى ەسە كوپ. بيىلعى 6 ايدا ءوندىرىس كولەمى 388 مىڭ توننانى قۇراعان, بۇل – بىلتىرعى سايكەس كەزەڭنەن 21,3%-عا ارتىق. قاڭتار-ناۋرىز ايلارىندا 294 مىڭ توننا ماي ەكسپورتتالىپ, وسىلايشا وتكەن جىلمەن سالىستىرعاندا ول 41%-عا ارتقان. قازىر جالپى قۋاتتىلىعى 421 مىڭ توننا بولاتىن 5 ءىرى قايتا وڭدەۋ زاۋىتىنىڭ قۇرىلىسى ءجۇرىپ جاتىر.
جيىن سوڭىندا پرەمەر-مينيستر ولجاس بەكتەنوۆ ينفلياتسياعا قارسى ساياسات جۇيەلى ءارى ءتيىمدى بولۋى ءتيىس ەكەنىن اتاپ ءوتتى. قابىلدانعان شارالار بويىنشا ۇكىمەت پەن ۇلتتىق بانك كەلىسە وتىرىپ ءىس-قيمىل جاساۋ كەرەكتىگىنىڭ ماڭىزدىلىعىنا باسا نازار اۋدارىلدى.
«ينفلياتسيانى تومەندەتۋ مىندەتى وتە ماڭىزدى جانە كەشەندى كوزقاراستى قاجەت ەتەدى. ۇكىمەت ۇلتتىق بانكپەن بىرلەسىپ قابىلدانعان شارالاردى جۇزەگە اسىرۋدى جالعاستىرا بەرمەك جانە ماقساتتى باعدارلارعا قول جەتكىزۋگە كەزەڭ-كەزەڭىمەن ۇمتىلاتىن بولادى», دەپ اتاپ ءوتتى پرەمەر-مينيستر.
