شىمبۇلاق تاۋ كۋرورتى دەرەگىنە سۇيەنسەك, EcoDay سەنبىلىگىنە قاتىسقان 100-دەن استام ەرىكتى ىلە-الاتاۋ ۇلتتىق تابيعي پاركى اۋماعىنا سەنبىلىك جۇرگىزگەن. اكتسيا بارىسىندا جارتى تونناعا جۋىق قوقىس جينالىپ, 200 كيلوعا جۋىعى قايتا وڭدەۋگە جىبەرىلدى.
شىمبۇلاق تاۋ كۋرورتى اكىمشىلىگى ەرىكتىلەردىڭ قوقىستى جيناپ, مۇقيات سۇرىپتاعانىن العا تارتتى. ولار پلاستيكالىق جانە شىنى بوتەلكەلەردى قايتا وڭدەۋ ءۇشىن ءبىر بولەك سۇرىپتاعان. جينالعان قوقىس ەرىكتىلەردىڭ كۇشىمەن شىمبۇلاق اۋماعىنا جەتكىزىلدى. ال قايتا وڭدەلەتىن قالدىقتار Recycle Birge قولداۋىمەن مامانداندىرىلعان كاسىپورىندارعا جەتكىزىلدى.
الماتى اكىمى دارحان ساتىبالدى سەنبىلىكتەر رەسمي سيپاتتا وتپەۋى كەرەكتىگىن ەسكەرتىپ, جۋىردا «تازا قازاقستان» رەسپۋبليكالىق ەكولوگيالىق اكتسياسىن ىسكە اسىرۋ بارىسىنا قاتىستى كەڭەس وتكىزىپ, اۋدان اكىمدەرى, قالالىق باسقارما باسشىلارى مەن جاۋاپتى مەكەمە وكىلدەرىمەن كەزدەسكەن بولاتىن. كەڭەس بارىسىندا مەگاپوليس باسشىسى «تازا قازاقستان» اكتسياسى ەرەكشە باقىلاۋدا ەكەنىن اتاپ ءوتىپ, ء«بىزدىڭ مىندەتىمىز – ءبىر رەتتىك سەنبىلىكتەر وتكىزۋ ەمەس, كوشەلەردە, اۋلالاردا جانە حالىقتىڭ ساناسىندا ناقتى وزگەرىستەرگە قول جەتكىزۋ» دەدى. ايتۋىنشا, قالادا ءالى كۇنگە دەيىن سۋارۋ, كوگالداندىرۋ, جارىقتاندىرۋ, قوقىس شىعارۋ سياقتى ماسەلەلەر شەشىمىن تاپپاعان.
الماتى
