2025 جىلعى 19 شىلدەدە ساعات 18:55-تە الماتى-2 ستانتسياسىندا كەزەكشى قىزمەتكەر وقىس وقيعانى تىركەگەن.
– كامەلەتكە تولماعان (15 جاستاعى ۇل بالا) ۆاگوننىڭ توبەسىنە ءوز ەركىمەن شىققان. سالدارىنان ەلەكتر توعى سوعىپ, كۇيىك العان. وقيعا ورنىنا جەدەل تۇردە جەدەل جاردەم قىزمەتى جەتتى. ءجاسوسپىرىم ءتىرى, وعان مەديتسينالىق كومەك كورسەتىلدى, – دەپ حابارلادى قتج وكىلدەرى.
وقيعاعا بايلانىستى قىزمەتتىك تەكسەرىس باستالدى.
قازاقستان تەمىر جولى كومپانياسى قازاقستاندىقتارعا تەمىر جول – جوعارى قاۋىپتى ايماق ەكەنىن ەسكە سالدى. جولدارعا زاڭسىز كىرۋ جانە جىلجىمالى قۇرام ماڭىنداعى كەز كەلگەن ارەكەت ادام ءومىرى مەن دەنساۋلىعىنا اۋىر سالدار اكەلۋى مۇمكىن.
