مەملەكەتتىك كونتسەرتتىك ۇجىمدار ەلىمىزدى ايماقتاردا دا, حالىقارالىق ساحنالاردا دا تانىتىپ, ەل ابىرويىن اسقاقتاتىپ ءجۇر. سوڭعى التى اي ىشىندە ونەرپازدار قازاقستان بويىنشا 12 رەت, شەتەلگە 7 رەت گاسترولدىك ساپارعا شىققان. اتاپ ايتساق, روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمى بولگاريادا, ءباا-دە, ازەربايجاندا جانە ۇلىبريتانيادا ونەر كورسەتتى. جىل سوڭىنا دەيىن ءالى دە كانادa, فرانتسيا, قىتاي, تۇركيا جانە باسقا مەملەكەتتەرگە گاسترولدىك ساپارلار جوسپارلانعان.
بيىل مەرەيتويلارعا ەرەكشە نازار اۋدارىلدى. قازاقستاننىڭ حالىق ءارتىسى نۇرعيسا تىلەنديەۆتىڭ 100 جىلدىق مەرەيتويىنا وراي بايقاۋلار, كونتسەرتتەر جانە بەيجىڭدەگى گاسترولدىك باعدارلاما ۇيىمداستىرىلدى. انكارادا تۇركسوي ۇيىمداستىرعان ءىس-شارادا «نۇرعيسا تىلەنديەۆ جىلىنىڭ» سالتاناتتى اشىلۋى ءوتتى. سونداي-اق ءشامشى قالداياقوۆ, ەۆگەني برۋسيلوۆسكي, جامبىل اتىنداعى فيلارمونيا جانە «سالتانات» بي انسامبلىنە ارنالعان مەرەيتويلىق ءىس-شارالار ۇيىمداستىرىلدى.
«سالتانات» مەملەكەتتىك بي ءانسامبلى 2025 جىلى كونتسەرتتىك كوستيۋمدەر دە تىگىلدى. بيىل جالپى 56 كيىم ۇلگىسى ازىرلەندى. ونىڭ ىشىندە 32 ايەل, 24 ەر ادام كوستيۋمى بار. سونىمەن قاتار, شىۇ-عا مۇشە مەملەكەتتەر باسشىلارى كەڭەسىنىڭ 24 وتىرىسىنا ارنالعان كونتسەرتتىك باعدارلاماعا جانە دۇنيەجۇزىلىك كوشپەندىلەر ويىندارىنىڭ اشىلۋ سالتاناتىنا ارنالعان ساحنالىق كيىمدەر دايىندالدى. ۇقشۇ جوباسى اياسىندا تىگىلگەن كوستيۋمدەردىڭ 32 ۇلگىسى «سازگەن سازى» فولكلورلى-ەتنوگرافيالىق انسامبلىنە بەرىلسە, «بىرلىك» بي ۇجىمىنا 33 كوستيۋم تابىستالدى.
جالپى العاندا, سوڭعى ەكى جىلدا ساحنالىق كوستيۋمدەر قازاق مەملەكەتتىك اكادەميالىق سيمفونيالىق وركەسترى, قۇرمانعازى اتىنداعى حالىق اسپاپتارى ۇلتتىق وركەسترى, «بىرلىك» ءان-بي ءانسامبلى جانە روزا باعلانوۆا اتىنداعى «قازاقكونتسەرت» اكادەميالىق كونتسەرت ۇيىمى ءۇشىن دايىندالدى.
قازاقستاندىق ونەرپازدار شەتەلدە دە تاماشا ناتيجەلەرگە جەتىپ ءجۇر. اتاپ ايتساق, «GULDER» ءانسامبلىنىڭ ءارتىسى لاتۆيادا ەكى التىن مەدال يەلەندى, ءانشى ديدار ابدۋحالىق بولگارياداعى بايقاۋدا ءبىرىنشى ورىندى جەڭىپ الدى. ايگەريم التىنبەك لا سكالا اكادەمياسىنا قابىلدانىپ, اندرەا بوچەللي مەن حوسە كاررەروسپەن بىرگە ونەر كورسەتتى. ماريا مۋدرياك قىتايدا «فيگارونىڭ ۇيلەنۋى» وپەراسىندا دەبيۋت جاسادى.
سونىمەن قاتار, رەسپۋبليكالىق تەلەارنالاردا قازاق كومپوزيتورلارى ەسكەندىر حاسانعاليەۆ, نۇرعيسا تىلەنديەۆ, كەڭەس دۇيسەكەەۆ شىعارماشىلىعىنا جانە قازاق كينوسىنا ارنالعان كونتسەرتتەردىڭ تەلەنۇسقالارى كورسەتىلىپ كەلەدى.
قازاقستان رەسپۋبليكاسىنىڭ مادەنيەت جانە اقپارات مينيسترلىگى ءوز كەزەگىندە وتاندىق مۋزىكا ونەرىن دامىتۋعا جانە ونىڭ حالىقارالىق ارەنادا تانىلۋىنا قولداۋ كورسەتۋدى جالعاستىرا بەرەدى.
