مىسالى, بەيجىڭدە وتكەن Beijing International Tourism Expo (BITE 2025) حالىقارالىق تۋريستىك كورمەسىندە مەگاپوليسكە حالىق رەسپۋبليكاسىنان 2025-2026 جىلدار ارالىعىندا 36 مىڭنان استام تۋريست تارتۋدى كوزدەيتىن 30 كەلىسىمگە قول قويىلدى.
قىتاي الماتى ءۇشىن تۋريزم باعىتىنداعى ماڭىزدى نارىقتاردىڭ ءبىرى. 2024 جىلى شاھارعا قىتايدان 99 167 تۋريست كەلگەن. بۇل شەتەلدىك قوناقتاردىڭ جالپى سانىنىڭ 14,4%-ى.
ماسەلەن, 2025 جىلى 27-29 ماۋسىمى ارالىعىندا الماتى ءوزىنىڭ تۋريستىك الەۋەتىن ازيا-تىنىق مۇحيتى ايماعىنداعى ەڭ ءىرى ءىس-شارانىڭ ءبىرى BITE 2025 كورمەسىندە تانىستىرعانىن ايتا كەتۋ كەرەك.
اتالعان كورمەگە 60-تان استام ەلدىڭ وكىلدەرى قاتىسىپ, الماتىنىڭ ستەندىنە تاماشالاعاندار قالا مادەنيەتىمەن جاقىنىراق تانىسقان. قازاق مۋزىكالارى شىرقالىپ, ءداستۇرلى اس ءمازىرى ۇسىنىلىپ, قولونەر بۇيىمدارى مەن تاريحي ۇلگىدە جاسالعان زەرگەرلىك اشەكەيلەر قويىلدى.
كورمە اياقتالعاندا الماتى ستەندى مازمۇنى مەن جوعارى دەڭگەيدە ۇيىمداستىرىلعانى ءۇشىن ارنايى Best Organizing Award جۇلدەسىنە لايىق دەپ تانىلدى.
وسىلايشا, BITE 2025 كورمەسى الماتىنى ءداستۇرى باي, مادەنيەتى كەمەل دە زاماناۋي تۋريستىك ينفراقۇرىلىمى دامىپ كەلە جاتقان ەرەكشە باعىت رەتىندە حالىقارالىق ارەنادا تانىتا ءبىلدى.
