دەمالۋشىلار جەكە زاتتارى مەن قاراجاتتارىنىڭ قولدى بولعانىن ايتىپ شاعىمدانۋدا. سۋىق قولددى سۇعاناقتاردىڭ ءىس-قيمىلدارى ءبىر-بىرىنەن اينىمايدى. ولار عيماراتتارعا تەرەزە ارقىلى كىرىپ, كوزگە ىلىگەتىن زاتتاردى ۇپتەپ كەتەدى ەكەن.
پوليتسيا قىزمەتكەرلەرى بەينەباقىلاۋ كامەرالارىنا تۇسكەن وقيعالاردى زەرتتەپ, ونداعان ادامدارعا سۇراۋ سالىپ, ءىز كەستى. وسىنداي مۇقيات جۇمىستىڭ ناتيجەسىندە استانا قالاسىنىڭ 30 جاسار تۇرعىنى كۇدىكتى بولىپ كورىندى. ول دا كۋرورتتى ايماققا دەمالۋعا كەلىپتى. قاس قارايا دەمالىس ۇيشىكتەرىندە قاي تەرەزەنىڭ اشىق قالعاندىعىن اڭدىپ جۇرەدى ەكەن. قازىر ۇرىنىڭ وزگە قىلمىستىق ىستەرگە قاتىسى بار-جوعى تەكسەرىلۋدە.
اقمولا وبلىسى,
بۋراباي اۋدانى.
