پاۆلودار وبلىسى شاعىن جانە ورتا بيزنەسىنىڭ كاسىپورىندارى ەكسپو-2017 جوباسىنا بارىنشا كەڭىنەن قاتىسۋدى كوزدەپ وتىر. ولار قۇرىلىس جۇمىستارىنا عانا ەمەس, سونىمەن بىرگە, لوگيستيكاعا, قاۋىپسىزدىك پەن قوعامدىق تاماقتاندىرۋ جۇيەسىن ۇيىمداستىرۋعا كەڭىنەن تارتىلماق. وسىنداي ۇسىنىستار پاۆلودار وبلىسىنىڭ كاسىپورىندارىمەن تاياۋدا وتكەن جۇمىس بارىسىنداعى كەزدەسۋدىڭ كۇن تارتىبىنە قويىلدى.
«استانا ەكسپو-2017» ۇك باس مەردىگەرلەرىمەن كەزدەسۋگە وسى ايماقتىڭ 30 وكىلى كەلدى. كەزدەسۋدىڭ ماقساتى – پاۆلودارلىق كاسىپورىنداردى, ءوڭىردىڭ شاعىن جانە ورتا بيزنەسىن ەكسپو-2017 جوباسىنا بەلسەندى ءتۇردە تارتا وتىرىپ, كورمەدەگى جەرگىلىكتى مازمۇننىڭ كولەمىن ۇلعايتۋ.
«كەلىسىمشارت الدىنداعى مامىلەلەرگە بۇدان بۇرىن پاۆلوداردا وتكەن كەزدەسۋدە قول قويىلعان بولاتىن. بۇگىنگى كەزدەسۋ – ءبىزدىڭ بىرلەسكەن جۇمىسىمىزدىڭ جالعاسى. 2014 جىلى ءبىز ماتەريالدىڭ العاشقى پارتياسىن جەتكىزدىك. پاۆلوداردىڭ مەتاللۋرگيالىق كاسىپورىندارى ارماتۋرانى 40 مىڭ تونناعا دەيىنگى كولەمدە جەتكىزۋگە دايىن, بۇل شەتەلدەن اكەلىنەتىن شيكىزاتتىڭ ورنىن تولىعىمەن الماستىراتىن بولادى», – دەپ اتاپ ءوتتى كەزدەسۋ كەزىندە پاۆلودار وبلىسى اكىمىنىڭ ورىنباسارى نيكولاي دىچكو. «استانا ەكسپو-2017» ۇك جانە پاۆلودار وبلىسى اكىمدىگى اراسىندا ىنتىماقتاستىق تۋرالى مەموراندۋمعا 2014 جىلدىڭ جەلتوقسانىندا قول قويىلعان بولاتىن. بيىلعى جىلدىڭ 1 شىلدەسىندەگى جاعداي بويىنشا قازىردىڭ وزىندە پاۆلودار وبلىسىنان قۇرىلىسقا 3 وتاندىق تاۋار ءوندىرۋشى تارتىلىپ, جاسالعان كەلىسىمشارتتاردىڭ جالپى سوماسى 760 ملن. تەڭگەنى قۇراپ وتىر. كەزدەسۋگە مەتاللۋرگيا, ماشينا جاساۋ, حيميا, جيھاز جانە جەڭىل ونەركاسىپ سەكىلدى ءتۇرلى سالالارداعى كاسىپورىندار قاتىستى. ولاردىڭ اراسىندا بولات قۇيۋ زاۋىتىنا وكىلدىك ەتەتىن «كاستينگ» جشس, سىم-وتكىزگىش ونىمدەردى وندىرەتىن «قازەنەرگوكابەل» اق جانە اۆتوكولىك جولدارى مەن اۋەجاي جابىندارى قۇرىلىسىندا قولدانىلاتىن پەنوپوليستيرولدى وندىرەتىن «ستيرول كومپانياسى» جشس بولدى. «ءبىز وتكەن جىلدان باستاپ ماتەريالدى جەتكىزۋمەن اينالىسىپ كەلەمىز, كەلىسىمشارتتاردىڭ سوماسى ازىرشە ۇلكەن ەمەس, الايدا «تەمىربەتون كەزەڭى», كەيىن ءارلەۋ كەزەڭى جانە سىم-تەتىكتەردى جۇرگىزۋ كەزەڭى بولاتىنىن ءتۇسىنەمىز. سوندىقتان ءبىز ەكىنشى كەزەڭدە جەتكىزىلىم سوماسى وسەدى دەپ ۇمىتتەنىپ وتىرمىز. قازىر ءبىز «BI Group» جانە «بازيس-ا» كومپانيالارىمەن جۇمىس جاساپ جاتىرمىز, ال «Mabetex» كومپانياسىمەن كەلىسسوزدەر جۇرگىزۋدەمىز», – دەدى «قازەنەرگوكابەل» اق باس ديرەكتورى ولەگ كرۋك. سونداي-اق, كەزدەسۋگە «استانا ەسكپو-2017» ۇك-پەن تىعىز ىنتىماقتاسا جۇمىس جاسايتىن «اتامەكەن» ۇلتتىق كاسىپكەرلەر پالاتاسىنىڭ وكىلدەرى دە قاتىستى. قازىرگى تاڭدا وتاندىق تاۋار وندىرۋشىلەردىڭ ءتىزىمى قالىپتاستىرىلىپ جاتقانى اتاپ ءوتىلدى. بۇل ءتىزىمنىڭ ىشىنە مەتاللۋرگيا, ماشينا جاساۋ, كابەلدىك ونىمدەر سالاسىنداعى كومپانيالار عانا ەمەس, سونىمەن بىرگە قىزمەت كورسەتۋ سالاسىنداعى, ارلەۋ جۇمىستارىمەن اينالىساتىن كاسىپورىندار دا كىرگىزىلىپ وتىر. ءتىزىم «استانا ەكسپو-2017» باس مەردىگەرلەرىمەن اراداعى قاتىناس-بايلانىستى جاقسى قامتاماسىز ەتۋ ءۇشىن قازاقستاندىق تاۋار وندىرۋشىلەردى بىرىڭعاي تىزىمگە جۇيەلەۋگە ءمۇمكىندىك بەرمەك. كەزدەسۋ كەزىندە «استانا ەسكپو-2017» ۇك باسقارما ءتوراعاسىنىڭ ورىنباسارى الماز جامانبەكوۆ باس مەردىگەرلەر مەن وتاندىق تاۋار ءوندىرۋشىلەردى ديالوگقا شاقىرىپ, ەكسپو-2017 جوباسىنا قاتىسۋدىڭ ءتۇرلى شارتتارى ۇسىنىلعانىن ەسكە سالدى. «قازىر كورمەنىڭ رەسمي قاتىسۋشىلارىنا ۇسىنىلاتىن تۇرعىن ءۇي قۇرىلىسى جۇرگىزىلۋدە. شاعىن جانە ورتا بيزنەس تە سوندا دامۋى ءتيىس. تەك قۇرىلىستىڭ شەڭبەرىندە تۇيىقتالىپ قالماڭىزدار, وزدەرىڭىزدىڭ كومپانيالارىڭىزدى ءتۇرلى سالالارداعى جۇمىستارعا تارتىڭىزدار. پاۆلوداردا شاعىن جانە ورتا بيزنەس جاقسى دامىعان. سوندىقتان بۇل مۇمكىندىكتى لوگيستيكادان باستاپ, كولىك, تاماقتاندىرۋ جۇيەسى, قۇقىق قورعاۋ قىزمەتىن ۇيىمداستىرۋعا دەيىنگى جۇمىستارعا تارتۋ قاجەت», – دەپ اتاپ ءوتتى الماز جامانبەكوۆ تاۋار ءوندىرۋشىلەرگە ارناپ ايتقان سوزىندە. مۇنداي كەزدەسۋلەر الداعى ۋاقىتتا قازاقستاننىڭ بارلىق وبلىسىنىڭ وكىلدەرىمەن وتكىزىلەدى. قازىرگى تاڭدا «استانا ەكسپو-2017» كورمە نىساندارىنىڭ قۇرىلىسىنا 101 قازاقستاندىق كاسىپورىن تارتىلىپ, جاسالعان كەلىسىمشارتتاردىڭ جالپى سوماسى 88 ملرد. تەڭگەنى قۇراعانىن ەسكە سالامىز. قازىردىڭ وزىندە قاراعاندى, قىزىلوردا, سولتۇستىك قازاقستان, پاۆلودار, شىعىس قازاقستان, جامبىل وبلىستارىنىڭ اكىمدىكتەرىمەن جانە استانا قالاسىنىڭ اكىمدىگىمەن ءتيىستى مەموراندۋمدارعا قول قويىلعان.
«ەگەمەن-اقپارات».
