فوتو: inbusiness.kz
ەكونوميكالىق وسىمگە ۇلەس قوساتىن سالانىڭ ءبىرى - ماشينا جاساۋ. وسى جىلدىڭ العاشقى التى ايىنىڭ قورىتىندىسى بويىنشا ەلىمىزدە ماشينا جاساۋ ءوندىرىسى وڭ ءوسىم كورسەتكەن.
ماشينا جاساۋ وڭدەۋشى ونەركاسىپتىڭ نەگىزگى سەكتورىنىڭ ءبىرى رەتىندە جالپى كولەمنىڭ 19%-ىن قامتاماسىز ەتەدى. ءوسۋدىڭ نەگىزگى درايۆەرلەرى: اۆتوموبيل (+12,1%), تەمىرجول جانە باسقا دا كولىك قۇرالدارى (+7,1%), اۋىل شارۋاشىلىعى تەحنيكاسى (+1,3%), ەلەكتروتەحنيكا (+21,5%), كومپيۋتەر, ەلەكتروندىق جانە وپتيكالىق جابدىق ء(وسىم 1,7 ەسە) ءوندىرىسى, سونداي-اق ماشينا جانە جابدىق جوندەۋ مەن ورناتۋ (+12%) سالالارىندا ەكەنى انىقتالدى.
اۆتوموبيل جاساۋ ماشينا جاساۋ كولەمىنىڭ شامامەن 41%-ىن قۇرايدى. بۇگىندە ەلىمىزدە JAC, Chevrolet, KIA, Lada, Jetour, Hongqi, Skoda, Hyundai جانە Genesis برەندتەرىن شىعاراتىن ەكى اۆتوزاۋىت جۇمىس ىستەپ تۇر.
بيىل قازاقستاندا تاعى ەكى جاڭا كاسىپورىن الماتىداعى مۋلتيبرەند زاۋىتى مەن قوستانايداعى KIA زاۋىتى ىسكە قوسىلادى. الماتىدا CHANGAN, Haval جانە CHERY سياقتى برەندتەردىڭ اۆتوموبيلدەرىن شىعارۋ جوسپارلانعان.
«جاڭا قۋاتتاردى پايدالانۋعا بەرۋدىڭ ارقاسىندا ەلىمىزدە شاعىن توراپتىق تەحنولوگيا بويىنشا جينالاتىن اۆتوموبيل ءوندىرىسىنىڭ كولەمى ەداۋىر ارتادى. بۇل مودەلدەر قاتارىن كوبەيتۋگە جانە وتاندىق اۆتوونەركاسىپتىڭ پوزيتسياسىن نىعايتۋعا مۇمكىندىك بەرەدى», دەدى ونەركاسىپ جانە قۇرىلىس ۆيتسە-ءمينيسترى ولجاس ساپاربەكوۆ.
2025 جىلى قازاقستاندا 147 824 اۆتوموبيل شىعارۋ جوسپارلانىپ وتىر. ۆيتسە-مينيستر سالادا بۇل كورسەتكىشتەن اسىپ ءتۇسۋ ءۇشىن بار جاعداي جاسالعانىن اتاپ ءوتتى.
ونىڭ ايتۋىنشا, وتاندىق تاۋار وندىرۋشىلەرگە سەرتيفيكات بەرۋگە بايلانىستى پروتسەستى وڭتايلاندىرۋ كەزىندە قارقىندى ءوسىرۋ مۇمكىندىگى جوعارى.
ۆيتسە-پرەمەر سەرىك جۇمانعارين ساۋدا جانە ينتەگراتسيا مينيسترلىگىنە اتالعان رۇقسات قۇجاتتاماسىن جەدەل بەرۋ ءۇشىن شارا قابىلداۋدى تاپسىردى. بۇل جاڭا مودەلدەردىڭ سەريالىق ءوندىرىسىن ۋاقتىلى ىسكە قوسۋعا جانە ماشينا جاساۋ قۋاتىنىڭ جۇكتەمەسىن ارتتىرۋعا مۇمكىندىك بەرەدى.
