قويىلىمنىڭ ديريجەرى – مەملەكەتتىك سىيلىقتىڭ لاۋرەاتى, تەاتردىڭ باس ديريجەرى ءارى سپەكتاكلدىڭ قويۋشى-ديريجەرى الان بورىباەۆ. ونىڭ جەتەكشىلىگىمەن «استانا وپەرا» سيمفونيالىق وركەسترى مەن حورى كەرەمەت قۋات پەن ەموتسيالىق تەرەڭدىكتى شەبەر جەتكىزىپ, كوپشىلىككە ۇمىتىلماس اسەر سىيلادى.
تۇراندوت حانشايىمنىڭ باستى پارتياسىن تەاتردىڭ پريما انشىلەرى, قازاقستاننىڭ ەڭبەك سىڭىرگەن قايراتكەرلەرى جۇپار عابدۋللينا مەن بيبىگۇل جانۇزاق ورىندادى. كالاف ءرولىن رەسەي وپەرا ساحناسىنىڭ ءارتىسى ميحايل پيروگوۆ پەن كوپتەگەن حالىقارالىق تەاترلاردا ونەر كورسەتكەن تەمبرى ەرەكشە ءانشى, قازاقستاننىڭ ەڭبەك سىڭىرگەن قايراتكەرى مەدەت شوتاباەۆ سومدادى. ايتا كەتەيىك, بۇل فەستيۆال وتاندىق جانە شەتەلدىك ارتىستەردىڭ ونەرىن كورۋگە, سونداي-اق جاڭا ەسىمدەر اشۋعا مۇمكىندىك بەردى.
كورەرمەن العاش رەت رولان پەتيدىڭ ەكسكليۋزيۆ بالەت تريلوگياسىن («ارلەزيانكا», «بوزبالا جانە ءولىم», «كارمەن») تاماشالاپ, التىناي اسىلمۇراتوۆا قويعان «ۇيقىداعى ارۋ» بالەتىنىڭ تاڭعاجايىپ پرەمەراسىنا كۋا بولدى. سونداي-اق ەۆگەني چاينيكوۆ قويىلىمىنداعى «كاپۋلەتتي مەن مونتەككي» وپەراسىنىڭ پرەمەراسى دا ءوتتى. كوپشىلىككە قىتاي, فرانتسيا جانە رەسەيدەن كەلگەن تانىمال جۇلدىزدار چجۋمين چەن, مەن ين فان, ماريا يليۋشكينا جانە ەۆان كاپيتەن قاتىسقان گالا-بالەت ەرەكشە اسەر قالدىردى.
ءىس-شارا اياسىندا «Nomad Inspiration» بىرەگەي جوباسى دا حالىقتىڭ قىزىعۋشىلىعىن تۋدىردى. «HasSak» ءانسامبلىنىڭ جانە جوبانىڭ قويۋشى حورەوگرافى سۇلتانبەك عۇمار باستاعان تەاتردىڭ بالەت ترۋپپاسى ورىنداعان اسپاپتىق قازاق ەتنو-فولكلورى مەن بالەت ونەرىنىڭ سينتەزى قالىڭ كورەرمەننىڭ كوڭىلىنەن شىقتى.
ك.بايسەيىتوۆا اتىنداعى كامەرالىق زال دا قالىس قالعان جوق. جۇرتشىلىق نازارىنا ۆيولونچەل كەشتەرى, فورتەپيانو سولوسى ۇسىنىلىپ, دج.ءروسسينيدىڭ «جىبەك ساتى» وپەرا-بۋففاسى قويىلدى.
ءىس-شارا اياسىندا قويىلعان كلاسسيكالىق تۋىندىلار, ەكسپەريمەنت جوبالار مەن ۇلتتىق كلاسسيكالىق شىعارمالار فەستيۆال باعدارلاماسىنىڭ كوركىن اشىپ, مەملەكەتتەر اراسىنداعى مادەني بايلانىستى نىعايتىپ, تەاتر ونەرىنىڭ مۇراسىن بايىتا ءتۇستى.
