«اۆتوكولىكتەردىڭ بىرىندەگى جۇرگىزۋشى مەن جولاۋشى جاراقات الدى – ولارعا مەديتسينالىق كومەك كورسەتىلدى. گاز قىزمەتى ماماندارىنىڭ جەدەل ارەكەتىنىڭ ارقاسىندا تۇرعىندارعا گاز جەتكىزۋ توقتاتىلعان جوق. قازا تاپقاندار جوق», – دەلىنگەن رەسمي مالىمدەمەدە.
كومپانيانىڭ مالىمەتىنشە, گاز تاراتۋ جۇيەسىندە گازدىڭ اعىپ كەتۋى انىقتالماعان. قازىرگى تاڭدا ماماندار زاقىمدانعان قۇبىر بولىگىن اشىپ, تەحنيكالىق تەكسەرۋ جۇمىستارىن جۇرگىزىپ جاتىر.
«وقيعا ورنىندا جەرگىلىكتى گاز قىزمەتىنىڭ ماماندارى كەزەكشىلىككە قويىلدى. بۇل – جاعدايدى ناقتى باعالاپ, تۇرعىندار ءۇشىن گازبەن قامتۋدا قاۋىپتىڭ الدىن الۋ ءۇشىن جاسالدى», – دەپ تولىقتىردى QazaqGaz Aimaq.
الدىن الا بولجام بويىنشا, جارىلىسقا سەبەپ – ديامەترى 426 مم بولاتىن ءتۇزۋ جىكپەن دانەكەرلەنگەن قۇبىرداعى جاسىرىن وندىرىستىك اقاۋ, ياعني زاۋىتتىق جىكتىڭ ءبۇتىن بولماۋى بولۋى مۇمكىن.
QazaqGaz Aimaq اق-نىڭ الماتى وندىرىستىك فيليالىنىڭ ديرەكتورى اقىلباي ساپاروۆتىڭ ايتۋىنشا, قالپىنا كەلتىرۋ جۇمىستارى قىسقا مەرزىمدە اياقتالادى.
