فوتو: اقوردا
زاڭمەن ەڭبەك كودەكسىنە, «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى», ء«بىلىم تۋرالى», «اسكەري قىزمەت جانە اسكەري قىزمەتشىلەردىڭ مارتەبەسى تۋرالى», «قورعانىس ونەركاسىبى جانە مەملەكەتتىك قورعانىستىق تاپسىرىس تۋرالى» زاڭدارعا جانە باسقا دا زاڭنامالىق اكتىلەرگە وزگەرىستەر مەن تولىقتىرۋلار ەنگىزىلدى.
تۇزەتۋلەردىڭ ءبىرىنشى بلوگى ازاماتتاردى اسكەري-پاتريوتتىق تۇرعىدان تاربيەلەۋ جۇيەسىن جەتىلدىرۋدى جانە وسى سالاداعى جۇمىستى كۇشەيتۋدى كوزدەيدى.
ەكىنشى بلوك اسكەري مىندەتتىلەردى دايارلاۋ جانە قايتا دايارلاۋ دەڭگەيىن ارتتىرۋدى ماقسات تۇتادى.
ءۇشىنشى بلوك اسكەري ەسەپ جۇرگىزۋ جانە اسكەري قىزمەتكە شاقىرۋ جۇيەسىن جەتىلدىرۋگە باعىتتالعان.
ءتورتىنشى بلوك اسكەري اتاقتار بەرۋ ءتارتىبىن وڭتايلاندىرۋعا, قازاقستان رەسپۋبليكاسىنىڭ قارۋلى كۇشتەرىن, باسقا دا اسكەرلەرى مەن اسكەري قۇرالىمدارىن جاساقتاۋعا جانە اسكەري قىزمەتشىلەردىڭ مارتەبەسىن بيىكتەتۋگە ارنالعان.
بەسىنشى بلوك مەرزىمدى اسكەري قىزمەتتىڭ بەدەلىن كوتەرۋدى قاراستىرادى.
التىنشى بلوك جاستاردى اسكەري قىزمەتكە كەشەندى دايارلاۋعا جاعداي جاساۋ ماسەلەسىن نازارعا العان.
جەتىنشى بلوك مەملەكەتتىك قورعانىس تاپسىرىسىن ىسكە اسىرۋدى دامىتۋعا كوڭىل بولەدى.
زاڭنىڭ ءماتىنى باسپاسوزدە جاريالانادى.
