«استانا ەكسپو-2017» حالىقارالىق مامانداندىرىلعان كورمەسى نىساندارىنىڭ قۇرىلىسىنا بۇگىنگى كۇنى 101 قازاقستاندىق كاسىپورىن تارتىلعان. جاسالعان كەلىسىمشارتتاردىڭ جالپى سوماسى 88 ملرد. تەڭگەنى قۇراپ وتىر.
ەلباسىنىڭ كورمە قۇرىلىسىنا جانە ونى دايىنداۋ ىسىنە ايماقتىق بيزنەستى تارتۋ جونىندەگى تاپسىرماسىن ورىنداۋ اياسىندا «استانا ەكسپو-2017» ۇلتتىق كومپانياسى تاۋارلار, جۇمىستار مەن قىزمەتتەردى جەتكىزەتىن وتاندىق كاسىپورىندارمەن ىنتىماقتاستىقتى كەشەندى ورىستەتۋدە. قازىرگى كۇنى قاراعاندى, قىزىلوردا, سولتۇستىك قازاقستان, پاۆلودار, شىعىس قازاقستان, جامبىل وبلىستارىنىڭ اكىمدىكتەرىمەن جانە استانا قالاسىنىڭ اكىمدىگىمەن بىرقاتار مەموراندۋمدارعا قول قويىلعان.
وسى مەموراندۋمدار شەڭبەرىندە جۇرگىزىلگەن جۇمىستاردىڭ قورىتىندىسى بويىنشا, 83 كاسىپورىنمەن 87 ملرد. تەڭگە جۇمىس كولەمى جونىندەگى كەلىسىمشارتتارعا قول قويىلدى. ولاردىڭ ىشىندە 65 كومپانيا استانادان (ىرگەتاستىڭ قازىقتارى, بەتون, قيىرشىق تاس, قۇرىلىسقا ارنالعان ەرىتىندىلەر, انكەرلىك بۇراندامالار, اعاشتان جاسالعان قالىپ, گاز بلوكتارى, ديزەلدىك وتىن, حيميالىق قوسپالار, سەندۆيچ-پانەلدەر, سورعىش جابدىق جانە ت.ب.), 1 كومپانيا سولتۇستىك قازاقستان وبلىسىنان (مەتالل قۇرىلمالارى, مونتاج), 12 كومپانيا قاراعاندى وبلىسىنان (مەتالل بۇيىمى, مەتالل قۇرامالارىن شىعارۋ, تەمىربەتوندى بۇيىمدار, ىرگەتاستىڭ قازىقتارى, ارناۋلى جۇمىس كيىمى, رادياتورلار, قۇبىرلار جانە پوليپروپيلەننەن جاسالعان فيتينگتەر), 2 كومپانيا پاۆلودار وبلىسىنان (مەتالل بۇيىمى (ارماتۋرا), كابەلدىك ءونىم), 2 كاسىپورىن وڭتۇستىك قازاقستان وبلىسىنان (ترانسفورماتورلىق جابدىقتى شىعارۋ جانە جەتكىزۋ) جانە 1 كومپانيا شىعىس قازاقستان وبلىسىنان (مينەرالماقتالىق تاقتايلار) قاتىسىپ وتىر.
ەكسپو-2017 نىساندارىنىڭ قۇرىلىسىنا قاتىسىپ وتىرعان 101 كاسىپورىننىڭ ىشىندەگى 18 كاسىپورىن مەموراندۋمدار اياسىنان تىس كەلىسىمشارتتار بويىنشا جۇمىسقا تارتىلعان. ولاردىڭ ىشىندەگى 13 كومپانيا اقمولا وبلىسىنان (بيتۋمدىق ەمۋلسيا, ينەرتتىك ماتەريالدار, گاز بلوكتارى, پەنوپوليستيرول, مەتالدان جاسالعان بۇيىمدار جانە ىرگەتاستىڭ قازىقتارى) جانە 5-ءۋى الماتىدان (شىنىپاكەت, قورشاۋعا ارنالعان ۆيتراجدىق قۇرىلمالار, بەنتولاينەرمەن جاسالعان سۋ وتكىزبەيتىن ماتەريال, اۋانى سىرتقا جانە ىشكە تارتاتىن جەلدەتكىشتەرگە ارنالعان جابدىق, ىرگەتاس قازىقتارى) قاتىسۋدا. ەكسپو-2017 نىساندارىنىڭ قۇرىلىسىنا قاتىسۋشى وتاندىق كاسىپورىنداردىڭ ىشىندە قاراعاندىنىڭ «يمستالكون» زاۋىتىن ەرەكشە اتاپ وتكەن ءجون. «يمستالكون قاراعاندى مەتالل قۇرىلىمى زاۋىتى» جشس كەز كەلگەن كۇردەلىلىك جاعىنان ءىرى گاباريتتى قۇرىلىمداردى دايىنداۋ بويىنشا ەلىمىزدەگى كوشباسشى بولىپ تابىلادى. كاسىپورىن مەتالل قۇرىلىمدى, سونىڭ ىشىندە جەكە جوبالار بويىنشا ونىمدەر جاساي وتىرىپ, ىشكى نارىق قاجەتتىلىكتەرىن قامتاماسىز ەتەدى. «قازىرگى ۋاقىتتا زاۋىتتىڭ جىلىنا 30-35 مىڭ توننا مەتالل كونسترۋكتسيالارىن شىعارۋعا مۇمكىندىگى بار. اي سايىنعى كولەم 3 000 توننا مەتالل قۇرىلىمدى قۇرايدى. ءبىزدىڭ ءوزىمىزدىڭ قۇرىلىمدىق ءبولىمىمىز بار. ءونىمنىڭ جەكە تۇرلەرى بويىنشا ءبىزدىڭ زاۋىت قازاقستانداعى جالعىز ءوندىرۋشى. نەگىزىنەن, بۇل – اسپالى كوپىر قۇرىلىمدارى», – دەيدى «يمستالكون قاراعاندى مەتالل قۇرىلىمى زاۋىتى» جشس باس ديرەكتورى نۇر نۇرعاليەۆ.
جاراس سادۋاقاسوۆ.
