فوتو: rail-news.kz
«قازاقستان تەمىر جولى» ۇلتتىق كومپانياسىنىڭ مالىمەتىنشە, 2024 جىلعى قىركۇيەكتەن 2025 جىلعى 10 شىلدەگە دەيىن جاڭا ءونىم استىعىنىڭ ەكسپورتى 9,3 ملن توننانى قۇراعان.
استىقتىڭ باسىم بولىگى تاسىمالداناتىن ەلدەر قاتارىندا: وزبەكستان – 3,4 ملن توننا (+32,8%), تاجىكستان – 1,3 ملن توننا (+45,8%), اۋعانستان – 309 مىڭ توننا (+49,2%), قىرعىزستان – 238 مىڭ توننا (+96%), يران – 974 مىڭ توننا (17,5 ەسەگە وسكەن), ازەربايجان – 713 مىڭ توننا (118,8 ەسەگە وسكەن) مەملەكەتتەرى بار.
استىق ەكسپورتىنىڭ ارتۋىنا جەتكىزۋ گەوگرافياسىنىڭ كەڭەيۋى, لوگيستيكالىق ينفراقۇرىلىمدى جاڭعىرتۋ باعىتىندا قابىلدانىپ جاتقان شارالاردىڭ تيىمدىلىگى دە اسەر ەتكەن.
