اقمولا وبلىسىندا م ۇلىكتى زاڭداستىرۋ ءىسى بەلسەندى جۇرگىزىلىپ كەلەدى

كوكشەتاۋ. 19 ناۋرىز. اقمولا وبلىسىندا م ۇلىكتى جاريا ەتۋ بەلسەندى سيپات الىپ وتىر. بۇل تۋرالى egemen.kz ءتىلشىسى حابارلادى. وڭىردە 2015 جىلدىڭ 11 ناۋرىزىنا دەيىن جەرگىلىكتى مەملەكەتتىك كوميسسيانىڭ قاراۋىنا 519 ءوتىنىش كەلىپ تۇسكەن. ونىڭ 332-ءى تۇرعىن ءۇي جانە 615-ءى تۇرعىن ۇيگە جاتپايتىن نىساندار بولسا, سوڭعىسىنىڭ 234-ءى كوممەرتسيالىق عيماراتتاردى قامتيدى. اتالعان جىلجىمايتىن م ۇلىكتەردىڭ جالپى قۇنى 4,8 ملرد. تەڭگەنى قۇرايدى. قازىرگى تاڭدا 235 ءوتىنىش قاناعاتتاندىرىلىپ, 1,9 ملرد. تەڭگەنىڭ 555 نىسانى جاريا ەتىلدى. تۇرعىندار ءوتىنىشىن ايماقتارعا ءبولىپ قاراستىرساق, تسەلينوگراد جانە بۋراباي اۋداندارىندا, سونداي-اق, وبلىس ورتالىعى كوكشەتاۋ قالاسىندا بەلسەندىلىك جوعارى ەكەندىگىن بايقاۋعا بولادى. وبلىس تۇرعىنادارىنان قازاقستاننان تىس جەرلەردەگى جىلجىمايتىن م ۇلىكتەر مەن اقشالاي قاراجاتىن جاريا ەتۋ ەتۋ جونىندە ءوتىنىش تىركەلمەگەن. وڭىردە م ۇلىكتى جاريا ەتۋ فاكتىسى سوڭعى ۋاقىتتا ەكپىن الا تۇسكەن. ماسەلەن, ناۋقان باستالعان العاشقى ءتورت ايدا 300 ءوتىنىش قابىلدانسا, سوڭعى ەكى ايدا, ياعني, 13 قاڭتار مەن 11 ناۋرىز ارالىعىندا ونىڭ سانى 200-دەن اسىپ وتىر. مەملەكەتتىك كىرىس جونىندەگى وبلىستىق دەپارتامەنتتىڭ وندىرىستىك ەمەس تولەمدەر ءبولىمىنىڭ باسشىسى گۇلنارا بالاباەۆانىڭ ايتۋىنشا, كاپيتالدى جاريا ەتۋ قارقىنىنىڭ ارتۋىن قولعا الىنعان اكتسيا شارتتارىنىڭ تيىمدىلىگى مەن كەشىرىم شارالارىنىڭ قولايلىلىعىمەن بايلانىستىرۋعا بولادى. باقبەرگەن امالبەك. دەرەك: egemen.kz. سۋرەت: thenews.kz.