جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەركىن كەلەسوۆتىڭ ايتۋىنشا, بيىل وڭىردە 65 647 جۇمىس ورنىن قۇرۋ كوزدەلسە, بۇگىنگە كۇنگە دەيىن 25 918 ادام ەڭبەكپەن قامتىلدى.
جىل باسىنان بەرى 28 912 ادام جۇمىسپەن قامتۋدىڭ بەلسەندى شارالارىنا تارتىلدى (جىلدىق جوسپار – 58 442 ادام).
جۇمىس بەرۋشىلەر ۇسىنعان جانە سۋبسيديالاناتىن جۇمىس ورىندارىنا 22 753 ادام جولداندى, ونىڭ 8 330-ى تۇراقتى جۇمىسقا ورنالاستى.
مەملەكەت باسشىسىنىڭ ء«اربىر 10 مىڭ تۇرعىنعا 100 جاڭا جۇمىس ورنىن اشۋ» تۋرالى تاپسىرماسىنا سايكەس 2 222 جۇمىس ورنى اشىلدى. جىل سوڭىنا دەيىن تاعى 10 312 ادامعا ارنالعان جۇمىس ورنى قۇرىلادى دەپ كۇتىلۋدە.
وبلىس بويىنشا 98 جوبا ەلەكتروندى ەڭبەك بيرجاسىنا ەنگىزىلىپ, 442 ازامات جۇمىسقا ورنالاستى.
بۇگىندە 501 ادامعا قايتارىمسىز گرانت بەرىلدى. ولاردىڭ قاتارىندا: 309 كوپبالالى انا, 108 مۇمكىندىگى شەكتەۋلى ازامات, 46 مۇگەدەك بالا تاربيەلەۋشى, 26 اسىراۋشىسىنان ايىرىلعان جان, 10 ااك الۋشى جانە 2 قانداس بار.
2025 جىلدىڭ سوڭىنا دەيىن تاعى 500-دەن اسا ادامنىڭ كاسىپكەرلىك باستاماسىنا قولداۋ كورسەتۋ كوزدەلىپ وتىر.
قىسقا مەرزىمدى كاسىپتىك وقۋمەن 1 315 ازاماتتى قامتۋ جوسپارلانعان, بۇگىندە 579 ادام وقۋعا تارتىلدى.
2025 جىلدىڭ 1 شىلدەسىندەگى مالىمەتكە سايكەس 3 408 وتباسىنداعى 18 705 ادامعا اتاۋلى الەۋمەتتىك كومەك تاعايىندالدى. بيىلعى التى ايدا ااك الۋشىلار سانى وتكەن جىلدىڭ وسى كەزەڭىمەن سالىستىرعاندا 8 933 ادامعا ازايعان.
سونىمەن بىرگە ااك الۋشى وتباسىلارداعى 1-6 جاس ارالىعىنداعى 5 848 بالاعا اي سايىنعى تولەمدەر جۇرگىزىلدى.
باسقارما باسشىسىنىڭ ايتۋىنشا, ءىشىنارا زەردەلەۋ بارىسىندا 96 وتباسىعا ااك زاڭ تالاپتارىن بۇزا وتىرىپ تاعايىندالعانى بەلگىلى بولدى.
وبلىس اكىمى جۇمىسسىز ازاماتتارعا ناقتى قولداۋ كورسەتۋدىڭ, ەڭبەك رەسۋرستارىن ءتيىمدى پايدالانۋدىڭ, كاسىبي وقىتۋدى جۇيەلى ۇيىمداستىرۋ مەن الەۋمەتتىك كومەك شارالارىنىڭ تيىمدىلىگىن ارتتىرۋدىڭ ماڭىزدىلىعىن اتاپ ءوتىپ, بۇل باعىتتاعى جۇمىستى كۇشەيتۋدى تاپسىردى.
بارلىق دەڭگەيدەگى اكىمدەردىڭ نەگىزگى مىندەتى – حالىقتىڭ ءال-اۋقاتىن ارتتىرۋ, جۇمىسسىزدىقتى ازايتۋ, كاسىپكەرلىكپەن اينالىسۋىنا جان-جاقتى قولداۋ كورسەتۋ. اسىرەسە, ەڭبەككە قابىلەتتى ازاماتتاردى جۇمىسپەن قامتۋ ارقىلى ولاردىڭ تابىسىن ارتتىرىپ, مەملەكەتكە تاۋەلدىلىگىن ازايتۋىمىز قاجەت. – جاستاردى جۇمىسپەن قامتۋعا باسا نازار اۋدارۋ كەرەك. ولار جۇمىس ىزدەپ, ءار قالادا سابىلىپ جۇرۋگە ءتيىس ەمەس, – دەدى ءوز سوزىندە.
ەربول قاراشوكەەۆ قوعامدىق جۇمىستارعا بولىنەتىن كۆوتا سانىن ارتتىرۋدى, سونداي-اق قايتارىمسىز گرانتتاردىڭ ماقساتتى جۇمسالۋىن تۇراقتى زەردەلەۋدى تالاپ ەتتى.
اتاۋلى الەۋمەتتىك كومەك شىن مۇقتاجعا بەرىلۋى قاجەت. مەملەكەت قاراجاتىنىڭ ماقساتتى ءارى ءتيىمدى جۇمسالۋى – باستى تالاپتاردىڭ ءبىرى, – دەگەن ءوڭىر باسشىسى ااك تاعايىنداۋعا جاۋاپتى مامانداردىڭ جاۋاپكەرشىلىگىن كۇشەيتىپ, ولاردى ارنايى وقىتۋدى مىندەتتەدى.
باسقوسۋدا كورسەتكىشتەرى تومەن قالىپتاسقان تاراز قالاسى مەن جامبىل, مويىنقۇم, شۋ, قورداي اۋدانى اكىمدەرىنىڭ ەسەبى تىڭدالدى.
