پەتروپاۆلدا گاز ارزاندادى

پەتروپاۆل. 19 ناۋرىز. وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتى قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 27 اقپانداعى №156 بۇيرىعىمەن ىشكى نارىقتا سۇيىتىلعان گازدى كوتەرمە ساۋدادا وتكىزۋدىڭ شەكتى باعاسىن بەلگىلەدى. بۇل تۋرالى ۆەدومستۆونىڭ  ءباسپاسوز قىزمەتى حابارلادى. وسىعان وراي قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتى رەتتەلەتىن نارىق سۋبەكتىلەرى (گازبەن جابدىقتاۋ ۇيىمدارىنىڭ) بوساتاتىن باعاعا ساراپتاما جۇرگىزدى. ونىڭ  ناتيجەسى بويىنشا “گورگاز-سەرۆيس” جشس-ءنىڭ سىيىمدىلىقتاعى سۇيىتىلعان گازدى بولشەك ساۋدادا وتكىزۋ قىزمەتىنىڭ باعاسى 15 پايىزعا تومەندەتىلدى جانە بولشەك ساۋداداعى سۇيىتىلعان گازدى باللونمەن جانە اۆتوموبيلدەرگە قۇيۋ ءۇشىن وتكىزۋ قىزمەتىنىڭ باعاسى ورتا ەسەپپەن 23 پايىزعا ارزانداتىلدى. ءومىر ەسقالي. دەرەك: وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەراپتامەنتتىڭ ءباسپاسوز قىزەتى. سۋرەت: egemen.kz