فوتو: دەنساۋلىق ساقتاۋ مينيسترلىگى
الماتى ونكولوگيالىق ورتالىعىندا حيميوتەراپيالىق پرەپاراتتاردى دايىندايتىن روبوتتاندىرىلعان جۇيە – KiroOncology ەنگىزىلدى. بۇل جۇيە بۇعان دەيىن ەۋروپا مەن اقش-تىڭ مەديتسينالىق مەكەمەلەرىندە قولدانىلعان. بۇل – قازاقستاندا مۇنداي تەحنولوگيانى العاش رەت پايدالانۋ, ونكولوگيالىق تاجىريبەدە اۆتوماتتاندىرۋ مەن قاۋىپسىزدىكتى ارتتىرۋ جولىنداعى ايتۋلى وقيعا ەكەندىگىن اتاپ وتكەن ءجون.
سونىمەن بۇل روبوتتىڭ قولىنان نە كەلەدى, مۇمكىندىگى قانداي دەگەن ساۋالعا توقتالاتىن بولساق, روبوتتاندىرىلعان قۇرىلعى وزدىگىنەن پرەپاراتتاردىڭ دوزاسىن ءدال ەسەپتەيدى. وعان قوسا 360 گرادۋستىق كامەرا مەن كەسكىن بازاسى ارقىلى ءدارى-دارمەكتى انىقتايدى. شتريحكودتاردى تەكسەرىپ, كومپونەنتتەردى ارالاستىرۋعا دەيىن جانە كەيىن ولشەيدى. ادام ارالاسپاسا دا دوزالاۋ مەن ىرىكتەۋدە قاتەلىكتەر جىبەرمەيدى. پايدالانىلعان ماتەريالداردى وزدىگىنەن جويا وتىرىپ, ادامنىڭ قاۋىپتى زاتتارمەن جاناسۋىن بارىنشا ازايتادى.
بۇل تەحنولوگيا بۇرىن ءدارى-دارمەكتەردى قولمەن دايىنداۋ بارىسىندا تسيتوتوكسيكالىق زاتتارمەن بايلانىسقا تۇسۋگە ءماجبۇر بولعان مەديتسينالىق قىزمەتكەرلەر ءۇشىن قاۋىپ, زياندى ايتارلىقتاي تومەندەتەدى.
KiroOncology روبوتى ەكى مەحانيكالىق مانيپۋلياتورمەن جابدىقتالعان, ولار پرەپاراتتاردى فلاكوندارعا قۇيۋ, ارالاستىرۋ پروتسەسىن اتقارادى. پروتسەسس اياقتالعاننان كەيىن قۇرىلعى پايدالانىلعان بوتەلكەلەر مەن شپريتستەردى حيميوتەراپيا قالدىقتارىن قولعا ۇستاماي-اق, اۆتوماتتى تۇردە تىعىزدالاتىن گەرمەتيكالىق كونتەينەردە جويادى.
الماتى ونكولوگيالىق ورتالىعىنداعى قوسىمشا تەحنولوگيالارعا توقتالا كەتەتىن بولساق, وسى روبوتتان باسقا, KiroLink پلاتفورماسىندا Kiro Assist جۇيەسىمەن جابدىقتالعان BiOptima IT II كلاستى قاۋىپسىزدىك لامينارلىق بوكستارى دا پايدالانىلادى. بۇل بوكستار تسيتوستاتيكالىق پرەپاراتتاردى قولمەن سۇيىلتۋعا مۇمكىندىك بەرەدى, بىراق باقىلاۋ كەزەڭدەرىن ساقتاي وتىرىپ, پرەپاراتتى سايكەستەندىرۋ, شتريح-كودتى تەكسەرۋ, ولشەۋ, ۆيزۋالدى باقىلاۋ, قۇجاتتاۋ جۇمىستارىن ءدال ورىندايدى.
الماتى ونكولوگيالىق ورتالىعىنداعى قوسىمشا تەحنولوگيالارعا توقتالا كەتەتىن بولساق, وسى روبوتتان باسقا, KiroLink پلاتفورماسىندا Kiro Assist جۇيەسىمەن جابدىقتالعان BiOptima IT II كلاستى قاۋىپسىزدىك لامينارلىق بوكستارى دا پايدالانىلادى. بۇل بوكستار تسيتوستاتيكالىق پرەپاراتتاردى قولمەن سۇيىلتۋعا مۇمكىندىك بەرەدى, بىراق باقىلاۋ كەزەڭدەرىن ساقتاي وتىرىپ, پرەپاراتتى سايكەستەندىرۋ, شتريح-كودتى تەكسەرۋ, ولشەۋ, ۆيزۋالدى باقىلاۋ, قۇجاتتاۋ جۇمىستارىن ءدال ورىندايدى.
دەگەنمەن كوپتەگەن ونكولوگيالىق مەكەمەلەردە حيميوپرەپاراتتار ءالى دە ادەتتەگىدەي, لامينارلىق شكافتا دايىندالادى, بۇل قىزمەتكەرلەر ءۇشىن دە, ناۋقاستار ءۇشىن دە قاۋىپتى.
ال جوعارىداعىداي روبوتتاندىرىلعان جۇيەنى ەنگىزۋ – بۇل تەك تەحنولوگيالىق جاڭالىق ەمەس, سونىمەن قاتار قازاقستانداعى ونكولوگيالىق كومەكتىڭ قاۋىپسىزدىگىن, دالدىگى مەن زاماناۋيلىعىن ارتتىرۋ جولىنداعى ماڭىزدى قادام.
ال جوعارىداعىداي روبوتتاندىرىلعان جۇيەنى ەنگىزۋ – بۇل تەك تەحنولوگيالىق جاڭالىق ەمەس, سونىمەن قاتار قازاقستانداعى ونكولوگيالىق كومەكتىڭ قاۋىپسىزدىگىن, دالدىگى مەن زاماناۋيلىعىن ارتتىرۋ جولىنداعى ماڭىزدى قادام.
