فوتو: alfa.kz
ءوز كەزەگىندە She’s Next حاكاتونى بيزنەستە باتىل بولۋ, پراكتيكالىق شەشىمدەر مەن ينكليۋزيۆتى يننوۆاتسيالاردى قولداۋ ماقساتىندا ۇيىمداستىرىلادى. ونىڭ ءداستۇرلى حاكاتونداردان ايىرماشىلىعى – بۇل جەردە باعدارلامالاۋ تالاپ ەتىلمەيدى, ويتكەنى باستى نازار بيزنەستى دامىتۋ ستراتەگياسى مەن ءتيىمدى شەشىمدەردى تابۋعا اۋدارىلادى. قاتىسۋشى ايەلدەر قارجىلىق تۇراقتىلىق, بيزنەستى ترانسفورماتسيالاۋ, جاڭا نارىقتارعا شىعۋ, ترەندتەردى بولجاۋ سىندى كاسىپكەرلىكتەگى وزەكتى باسقا دا باعىتتارداعى تاپسىرمالاردى ورىندايدى.
باعدارلاماعا قاتىسقىسى كەلەتىندەر 30 ماۋسىم مەن 29 تامىز ارالىعىندا تىركەلىپ, 3-12 قىركۇيەكتە وقۋدان ءوتىپ, 18 قىركۇيەك پەن 1 قازان ارالىعىندا حاكاتوندى باستايدى.
حاكاتون 3 قازاندا وتەتىن اۋقىمدى ۆيرتۋالدى ءىس-شارا ارقىلى مارەگە جەتپەك. اشىق فورماتتا, ونلاين جانە اعىلشىن تىلىندە ۇيىمداستىرىلاتىن شارادا تابىستى كاسىپكەر ايەلدەر, بيزنەس-كوشباسشىلار مەن Visa وكىلدەرى باس قوسىپ, تاجىريبە الماسىپ, يننوۆاتسيالاردى دامىتۋعا ايەلدەردىڭ قوسقان ۇلەسىن اتاپ وتەدى.
باعدارلاما اياسىندا قاتىسۋشىلارعا تاجىريبەلى بيزنەس ماماندارى وتكىزەتىن ءتورت ۆەبينار قولجەتىمدى. بۇل ۆەبينارلاردا ولار پراكتيكالىق بىلىمدەرىمەن بولىسەدى. حاكاتون اياسىندا قۇرىلعان كوماندالار كەمىندە ءۇش مەنتورلىق سەسسيا بارىسىندا بيزنەس نەگىزىن قالاعان ايەلدەردەن, كەڭەسشىلەردەن , يننوۆاتسيا سالاسىنداعى ساراپشىلاردان جەكە باعىت-باعدار الا الادى.
سونىمەن قاتار, بارلىق قاتىسۋشىلار حالىقارالىق ىسكەرلىك بايلانىستارىن كەڭەيتىپ, ايماقتىڭ تۇكپىر-تۇكپىرىنەن جينالعان پىكىرلەس ايەلدەردەن قۇرالعان She’s Next قاۋىمداستىعىنىڭ تسيفرلىق پلاتفورماسىنا قوسىلا الادى.
جەڭىمپازدار ءۇش نوميناتسيا دا باق سىناسا, باس جۇلدە – $10 000, يننوۆاتسيالىق كوزقاراسى ءۇشىن – $5 00, ەڭ ۇزدىك الەۋمەتتىك اسەر ءۇشىن – $5 000.
قارجىلاي قولداۋدان بولەك, جەڭىمپازدارعا سالا كوشباسشىلارىنان ءۇش ايلىق تالىمگەرلىك, Visa مەن Reinvantage پلاتفورمالارىندا كەڭىنەن تانىستىرىلۋ, بولاشاق ءىس-شارالارعا قاتىسۋ مۇمكىندىگى, She’s Next قاۋىمداستىعىندا ۇزدىكسىز ناسيحات جانە بۇكىل ءوڭىر بويىنشا باق-تا تاراتىلاتىن رەسمي ءباسپاسوز حابارلاماسىندا اتالىپ ءوتۋ مۇمكىندىگى ۇسىنىلادى.
«Visa» كومپانياسى ايەلدەردىڭ كوشباسشىلىعى مەن كاسىپكەرلىگىن ۇزاق جىلدان بەرى قولداپ كەلەدى جانە ايەلدەردىڭ ينكليۋزيۆتى ەكونوميكالىق ءوسىمنىڭ قوزعاۋشى كۇشىنە اينالا الاتىنىنا نىق سەنەدى», دەدى Visa كومپانياسىنىڭ شىعىس جانە وڭتۇستىك-شىعىس ەۋروپا, ورتالىق ازيا جانە كاۆكاز وڭىرلەرىندەگى اعا ۆيتسە-پرەزيدەنتى جانە وڭىرلىك مەنەدجەرى كريستينا دوروش.
She’s Next حاكاتونىنا قاتىسۋعا قۇرامىندا ەر ازاماتتار وكىلدەرى بار كوماندالارعا دا رۇقسات ەتىلەدى, بىراق كوماندانىڭ جەتەكشىسى مىندەتتى تۇردە ايەل بولۋى ءتيىس.
