فوتو: https://www.facebook.com/ruslan.zheldibay/
رۋسلان جەلدىباي ءوزىنىڭ الەۋمەتتىك جەلىدەگى پاراقشاسىندا بۇل تاعايىنداۋ ءۇشىن IJF باسشىسى ماريۋس ۆيزەر مىرزاعا العىسىن ءبىلدىرىپ, حالىقارالىق ۇيىمدارداعى قازاقستاندىق وكىلدەردىڭ ماڭىزىن اتاپ ءوتتى.
«ەلىمىزدىڭ حالىقارالىق سپورت ۇيىمدارىندا وكىلدەرىنىڭ بولۋى - وتە ماڭىزدى. بۇل قادام ارقىلى ەلىمىزدىڭ بەدەلىن نىعايتۋمەن قاتار, تاجىريبە دە الماسامىز», دەپ جازدى ول.
ونىڭ ايتۋىنشا, قازىرگى تاڭدا قازاقستاندا دزيۋدو سپورتىن دامىتۋ باعىتىندا كوپتەگەن جۇمىس جۇرگىزىلىپ جاتىر. دەگەنمەن, شەشىمىن كۇتكەن ماسەلەلەر دە از ەمەس.
«دزيۋدونى ەلىمىزدە دامىتۋ باعىتىندا ءبىراز جۇمىس اتقارىلىپ جاتىر. ءالى دە ماسەلە جەتەرلىك. دزيۋدونى كەڭىنەن دامىتۋ ءۇشىن ارنايى اكادەميا, ال ايماقتاردا ورتالىقتار قاجەت بولىپ تۇر. حالىقارالىق ىنتىماقتاستىقتى دا ارتتىرامىز. وسى ىسكە بارىنشا ءوز ۇلەسىمدى قوسامىن», دەدى رۋسلان جەلدىباي.
