قالا اكىمىنىڭ ورىنباسارى سارسەن قۇرانبەك ۆاۋچەر جۇيەسىنە دەيىن بالالار ۇيىرمەلەرگە قاعاز جۇزىندە عانا قاتىسىپ كەلگەنىن جەتكىزدى. ايتالىق بەس مىڭنان استام وقۋشى تىركەلسە, سونىڭ ءارى كەتسە ءتورت مىڭى عانا ۇيىرمەگە باراتىن. ۆاۋچەردە جۇيە اۆتوماتتى رەجيمگە كوشىپ, بالانىڭ ۇيىرمەگە قاتىسقان قاتىسپاعانى اشىق كورىنىپ تۇرادى.
العاشقى كەزدە قوسىمشا ءبىلىم بەرۋ ۇيىرمەلەرى ءتۇرلى باسقارمالارعا قارايتىن. سپورتتىق سەكتسيالار سپورت باسقارماسىنا, شىعارماشىلىق مادەنيەت باسقارماسىنا دەگەن سەكىلدى. كەيىن ولاردىڭ بارلىعى ءبىلىم بەرۋ باسقارماسىنا بىرىكتىرىلدى. دەي تۇرعانمەن مۇندا دا ءبىراز تۇيىتكەلدەر انىقتالىپ وتىر. ماسەلەن ۇيىرمەلەر ءبىلىم باسقارماسىنا بىرىكتىرىلگەنىمەن, وزگەرىس ءالى زاڭدى كۇشىنە ەنبەي وتىر. قوعامدىق كەڭەس مۇشەلەرى سول ماسەلەنى تالقىلاپ, ونىڭ شەشۋ جولدارىن قاراستىردى.
قانشا جەردەن جۇيە اۆتوماتتى بولعانىمەن ۇيىرمەگە قاتىسپاعان وقۋشىلاردى تىزىمگە جالعان تىركەپ قوياتىن جاعدايلار اراكىدىك كەزدەسىپ جاتادى. بۇل ءبىلىم سالاسىنداعى سىبايلاس جەمقورلىققا جول بەرەتىن قىلمىس بولىپ تابىلادى. سوندىقتان جيىنعا قاتىسۋشىلار وسى پروبلەمانى جويىپ, بارىنشا باقىلاۋدى كۇشەيتۋ جونىندە ويلارىن ورتاعا سالدى. بۇل رەتتە قالا اكىمىنىڭ ورىنباسارى س.قۇرانبەك ۆاۋچەر جۇيەسىنىڭ ارتىقشىلىعى مەن تيىمدىلىگىن ايتا كەلە, الدا ۋاقىتتا جوبانى جەتىلدىرۋ بويىنشا جۇمىستار جالعاسا بەرەتىنىن جەتكىزدى. سونداي-اق ول جيىندا كوتەرىلگەن بارلىق ماسەلەلەرگە قاتىستى ناقتى شارالار قابىلدانىپ, قوسىمشا ءبىلىم بەرۋ قىزمەتىن اشىق, تازا ەتۋ اكىمدىك العا قويعان باستى ماقسات ەكەنىن مالىمدەدى.
شىمكەنت
