فوتو: senate.parlam.kz
سەناتور تالعات ءجۇنىسوۆ اقمولا وبلىسىنداعى ساندىقتاۋ جانە اتباسار اۋداندارىندا بولدى. ول ساندىقتاۋ اۋدانىنىڭ بالكاشينو اۋىلىنداعى بالالار مەن جاسوسپىرىمدەر شىعارماشىلىعى ورتالىعىن ارالادى. سونداي-اق جاباي وزەنىنىڭ جاعالاۋىن نىعايتۋ جانە ءتۇبىن تەرەڭدەتۋ بارىسىن, كامەنكا اۋىلىنداعى «شەنسوۆ كوپىرى» گيدروتەحنيكالىق قۇرىلىسىنىڭ جاي-كۇيىن كوردى.
ساپار اياسىندا ازاماتتاردى دا قابىلدادى. وندا الەۋمەتتىك قولداۋ, تۇرعىن ۇيمەن قامتاماسىز ەتۋ, تولەمدەردى ۇسىنۋ جانە باسقا دا وتىنىشتەر قارالدى. ساپار سوڭىندا سەناتور باستاۋ اۋىلىندا ءسۇت-تاۋار فەرماسى قۇرىلىسىنا سوقتى. فەرما جىل سوڭىندا ىسكە قوسىلماق, جالپى قۇنى 7,5 ملرد تەڭگەگە گەرمانيادان 918 باس ءىرى قارا مال ساتىپ الۋدى جوسپارلاپ وتىر.
ال سەنات دەپۋتاتى الىبەك ناۋتيەۆ اتىراۋ وبلىسىندا قۇرمانعازى اۋدانى ازعىر اۋىلدىق وكرۋگىنىڭ تۇرعىندارىمەن كەزدەستى. ول بۇرىنعى پوليگون اۋماعىندا ورنالاسقان ەلدى مەكەندەردەگى الەۋمەتتىك نىساندار مەن اشىق الاڭداردى ارالادى.
قازىر اۋداندا جايىلىمداردا ىلعال ازايىپ, قۇنارلى جەرلەر توزعان, ناتيجەسىندە مال شىعىنعا ۇشىراپ, كليماتتىڭ وزگەرۋىنە وراي شابىندىق جەرلەر قۋراپ كەتكەن. تۇرعىندار پوليگون جەرلەرىندە جەمشوپتى سۋبسيديالاۋ جانە ءشوپ دايىنداۋعا رۇقسات بەرۋدى ءوتىنىپ وتىر. اقبوكەندەردىڭ سانىن رەتتەۋ ماسەلەسى دە كوتەرىلدى.
ال ماحامبەت اۋدانىندا باقساي اۋىلدىق وكرۋگىندەگى مەكتەپ اپاتتى جاعدايدا, كەنتىشىلىك جولدار قۇرىلىسى اياقسىز قالىپ, سۋ باسقان جولداردى قالپىنا كەلتىرۋ, سۋمەن جابدىقتاۋ مەن كانالداردى تازارتۋ دا باستى ماسەلەنىڭ ءبىرى بولىپ وتىر.
«سالالىق مەملەكەتتىك ورگاندارمەن بىرلەسىپ بارلىق ءوتىنىش نازارعا الىنىپ, تىركەلەدى. ايتىلعان ۇسىنىستار دەپۋتاتتىق باقىلاۋعا الىنادى», دەدى ءا.ناۋتيەۆ.
دەپۋتات ولگا بۋلاۆكينا شىعىس قازاقستان وبلىسىنداعى ۇلان اۋدانىنىڭ اگروونەركاسىپ كەشەنى مەن ءبىلىم بەرۋ جۇيەسىنىڭ جانە الەۋمەتتىك ينفراقۇرىلىمىنىڭ نەگىزگى نىساندارىن ارالادى. ۋكراينكا اۋىلىندا ءسۇت فەرماسىنىڭ قىزمەتىمەن تانىستى. كاسىپورىن قازىر قارجىلاندىرۋدا قيىندىق كورىپ, بىلىكتى كادرلاردىڭ تاپشىلىعىن سەزىنىپ وتىر.
و.بۋلاۆكينا ساراتوۆكا اۋىلىنداعى تەحنيكا سالاسىنىڭ ماماندارىن دايارلايتىن شىعىس قازاقستان كوپسالالى كوللەدجىندە دە بولدى. وقۋ ورنىنا ماتەريالدىق-تەحنيكالىق بازانى جاڭعىرتىپ, تاجىريبەگە نەگىزدەلگەن باعدارلامالاردى ەنگىزۋ قاجەت. سونداي-اق جاستار اراسىندا جۇمىسشى ماماندىقتارىن ارتتىرۋ ماسەلەلەرى تۇر. دەپۋتاتتىڭ ايتۋىنشا, دۋالدى وقىتۋ مەن كوللەدجدەردى ءوڭىر ەكونوميكاسىن دامىتۋعا كىرىستىرۋ قاجەت.
سەنات دەپۋتاتتارى نۇريا نيازوۆا مەن جاننا اسانوۆا الماتى قالاسىنداعى بالالارعا شۇعىل مەديتسينالىق جاردەم كورسەتۋ ورتالىعىندا بولدى. ورتالىق پاتسيەنتتەردى حيرۋرگيا, نەيروحيرۋرگيا, تراۆماتولوگيا, ۋرولوگيا, وفتالمولوگيا, كۇيىكتى ەمدەۋ جانە جاڭا تۋعان نارەستەلەر حيرۋرگياسى سەكىلدى باعىتتار بويىنشا قابىلدايدى.
«مەملەكەتتىك ساياساتتا بالالاردىڭ دەنساۋلىعى باسىمدىققا يە بولىپ وتىر. بۇگىندە قولدانىستاعى جۇيەنى قولداۋمەن قاتار ەڭ ۇزدىك مەديتسينالىق تاجىريبە نەگىزىندە تەز ءارى ساپالى شۇعىل كومەك كورسەتىلەتىن زاماناۋي جاعداي جاساۋ قاجەت. ول ءۇشىن ۇدەرىستەردى وڭتايلاندىرۋ, تەحنولوگيالاردى ەنگىزۋ جانە ەڭ باستىسى – دارىگەرلەر مەن پاتسيەنتتەردىڭ ۇنەمى بايلانىسى كەرەك», دەدى ن.نيازوۆا مەكەمە قىزمەتكەرلەرىمەن كەزدەسۋدە.
سەناتورلار سونداي-اق جاڭا تۋعان نارەستەلەرگە ارنالعان جانساقتاۋ پالاتاسىندا بولىپ, وندا جاس پاتسيەنتتەردى قارقىندى ەمدەۋ شارتتارىمەن تانىستى. ولار اتالعان ماسەلەلەردى زاڭ دەڭگەيىندە شەشۋگە جاردەمدەسۋگە جانە بالالار مەديتسيناسىن نىعايتۋعا باعىتتالعان باستامالاردى قولداۋعا دايىن ەكەنىن جەتكىزدى.
